تشيز كيك رائع

من طرف **النية غالبة** الجمعة مارس 13, 2015 2:17 pm

المقادير
300غ بيسكوي ماريا او اي بيسكوي عادي
3معالق كبار الزبدة دايبين
طحني البيسكوي و دعقيه مزيان و جمعيه بالزبدة ذايبة و بسطيه مزيان في المول بملعقة و دخليه المجمد المدة لي غتحضري فيها طبقة التشيز لا اكثر
طبقة التشيز
400غ جبن ابيض كرافت او فيلادلفيا او لي حبيته المهم يكون ابيض كريمي
200مل كريم فريش
2دانون مسوس
3معالق سكر +عصير نصف حامضة
طربي كلشي بالطراب حتى يطلع مزيان و فرغيه فوق البيسكوي و دخليه الثلاجة (ملحوظة:الوصفة الاصلية فيها 3اوراق جيلاتين كبار كدوبيهم في كسرونة بعد ما ديريه في الما بارد و طربيه مع الخليط اناما درتوش لانه ما عنديش حلال الفرق بالجيلاتين كتجي شادة راسها اكثر و بلا جيلاتين كتجي كريمي لكن كتجمع مت تخافوش كيبقى الاختيار لكم)
جل الفريز
200غ فريز
1فلان صغير فاني او فريز+معلقة كبيرة مايزينا+3معالق سكر +فاني
+عصير برتقالة
طحني كلشي في الخلاط صفيه و ديريه يطيبىعلى عافية مهيلة حتى يختر يولي بحال الكريم من بعد حيديه على النار و بقاي تحركي حتى يبرد عاد خويه و خليها تبات ليلة كاملة في الثلاجة