طورطة و تشيز كيك

من طرف **تميرة ست الحسن** 4/11/2015, 21:40

البارح صوبت هاد الطورطة و صوبت التشيز كيك و جاو روووووووووووعة و قلت نحط ليكم الصور تشوفوهوم
[img][/img]

[img][/img]

و هادوا لصاحبة اول رد هههه
[img][/img]

من طرف **مايا دياب** 4/11/2015, 21:50

يعطيك الصحة باينة بنينة بزااااااااف

من طرف **مايا دياب** 4/11/2015, 21:52

ابعثيلي شوية نذوق

من طرف **ommohsen** 4/11/2015, 21:54

بصحة وراحة والله راجلي طالبني علي شي طرطة يديها لخدمة ديالو وخفت متزدقش لية ههههه علي العموم بصحة وراحة

من طرف **تميرة ست الحسن** 4/11/2015, 21:55

Cham20116 كتب:يعطيك الصحة باينة بنينة بزااااااااف

و الله ايلا مداقهم روووووووووووووعة

دييييما نصوب الطورطات و لكن هادوا اكثر وحدين عجبووووووني حيت بساط و لداااااد ف نفس الوقت

من طرف **تميرة ست الحسن** 4/11/2015, 21:58

Cham20116 كتب:ابعثيلي شوية نذوق

هاهو احبيبة ههههه
[img] [/img]

من طرف **ommohsen** 4/11/2015, 21:58

زين نزلي طريقة بغيت ربي يسترك دنيا وأخرة وتدي فية الاجر الي كانت ساهلة نديرها أن شاء الله

من طرف **تميرة ست الحسن** 4/11/2015, 22:00

ommohsen كتب:بصحة وراحة والله راجلي طالبني علي شي طرطة يديها لخدمة ديالو وخفت متزدقش لية ههههه علي العموم بصحة وراحة

الله يعطيييك الصحة احبيبتي ام محسن

راهوم سااااااهليييييييييين و غادي يصدقوا ليك 100 فالمية على حساابي

من طرف **تميرة ست الحسن** 4/11/2015, 22:05

ommohsen كتب:زين نزلي طريقة بغيت ربي يسترك دنيا وأخرة وتدي فية الاجر الي كانت ساهلة نديرها أن شاء الله

على راسي حبيبتي

من طرف **قناصه وعيوني رصاصه** 4/11/2015, 22:23

اامقادير حبيبتي غزالين و سوغتو الطورطة ديكورها زوين

من طرف **تميرة ست الحسن** 4/11/2015, 23:02

بالنسبة لمقادير الطورطة:
قاعدة الكيك:
8 معالق كبار من الدقيق..8 م.ك سنيدة(و لكن انا مالين ما عندهومش مع الحلاوة بززاف درت غير 5 م)..8 م.ك الزيت..8 ..2 بيضات..1 م.ك الكاكاو1 خمارة..قبصة ملح صغييييرة..عصير حامضة و قشرتها محكوكة
تخلط جميع المقادير و تدار ف طبسيل قابل للفتح من الجوانب من بعد ما نكونوا دهناه مزياان بالزبدة فقط(انا ما كنرش الدقيق)و تدخل للفرن..ضروووري تحضي معاها حيت كتطيب بالزربة ما كتاخدش الوقت بززاف بحال الكيكة الكبيرة
مين تخرج من الفران خليها تبرد عاد سقيها سقيها بالسيرو(انا سقيتها بالسيرو للي تيكون فالطاسة ديال الخوخ المعلب..درت شوية فالكاسرونة غلى شوية غي برد و سقيتها به) و رشيت فوق منها الكركاع(انتي اقضي ب اي حاجة عندك كركاع او لوز او..)
الطبقة الثانية:
لتر من الحليب مع 4 م.ك كريم باتسري و 6 م.ك سنيدة..2 ساشي فلون عادي ديال درهم..قشرة حامضة
نخلط كلشي فالكاسرونة عاد نديرهوم من فوق العافية مع التحريك حتى تختاااار و نزيد عليها 3م.ك ديال الزبدة عاد نزولوها من فوق العافية و نرمي فيه 8 حبات من كاطو اوريو..و نصبوه من فوق الكيكة و تدخل للثلاجة
الكلاصاج:
خديت الخوخ المعلب و قطعتو شرائح كيما باين فالصورة..جبدت لاطارت من الثلاجة و ستفتهوم و عاد رديتها حتى تكلاصات مزياااااان واحد ل 5 السوايع جبدتها و صقيتها بشوية من ديك السيرو للي بقالي حيت ما عنديش الناباج و صافي قدمتها

اي تساؤل حبيبة هانا موجودة و سمحيلي على التأخير حيت كنظن كان شي عطب فالمنتدى

من طرف **تميرة ست الحسن** 4/11/2015, 23:06

rubi zwina كتب:اامقادير حبيبتي غزالين و سوغتو الطورطة ديكورها زوين

انا حطيتهوم احبيبة و اي تساؤل هانا موجووودة

جربيهم و ردي عليا الخبار

من طرف **حلاوة روح** 4/11/2015, 23:22

الله يعطيك الصحة حبيبتي

من طرف **تميرة ست الحسن** 4/11/2015, 23:29

التشيز كيك:
طحني 2 باكيات اما ديال هنريس او ديال سابلي(انا درت صابلي)+100غرام زبدة مدوبة..جمعيهم و ديريهم فالمول للي كيفتح من الجوانب(بغيتي تدخليها للفرن واحد 3 او 4 دقايق على الاكثر غي تشد راسها و خرجيها..انا ما دخلتهاش للفرن)
طربي 4 ديال الفرماجات مع 2 ديال دانون كريمي فاني
طربي نصف باكية لكريم فريش hulala (راه موووووجووود ف جميييع المحلات)مزياااااااان حتى يطلع و يرجع شانتي و وياااك تزيدي ليه السكر حيت اصلا حلو
من بعد نزيدو عليه خليط الفروماج و دانون و نزيدو كلشيييي من فوق خليط هنريس و يدخل للمجمد
مين نخرجوه نزينوه بتاشكلاط محكوك او الكاكاو كيما درت انا..كيعجبني الوجه كااامل مغطي بالكاكاو و لكن بنت اختي صدعاتني بغات الزواقة للي فالصورة ههه
كيجي هاااااااااااائل
و هادي صورة لكريم فريش للي استعملت
[img] طورطة و تشيز كيك 2crrabq