محبين التجديد ستيك الدجاج بصوص الكريمة والبصل والفطر

من طرف **حلاوة روح** 7/11/2015, 20:31

هااد الطبق ساهل وبمكونات بسيطة كيجي لذيذ بزااف طبعا لعشاق التجديد بحالي هههه ممكن ترفقوه مع السلطة خضرا فلفلة حمرا مشوية فوق البوطة ومشرملة بشرمولة الحوت والهريسة سلطة اللوبيا خضرا باردة بالتوم وكمون وخل وزيت وملح ورشة معدنوس وعصير خيزو بمداق الخوخ وخبز الدار

للدجاج صدر دجاجة غادي نعملوها فيلي او فيلي

الدجاج واجد ملعقة صغيرة لكل من سكنجبير و خرقوم + ابزار وملح حسب الدوق ملعقة كبيرة واستر صوص اختياري كتزيد نكهة مميزة + فص توم محكوك + ملعقة زيت لدهن المقلاة الصوص بصلة مقطعة شراءح 3حبات فطر خديتهم ب 5 دراهم كاس كريمة الطبخ ممكن تعويضها بكاس حليب مع

3 فرماج كيري ونطحنوه مع بعضهم ملعقة صغيرة زبدة الاكل اختياري ورقة موسى للنكهة فص توم محكوك نسيت ما صورتو غادي نقطعو الدجاج على شكل فيلي

و نعملو الدجاج بالقوام ديالو مع ملعقة الواستر صوص والتوم ونخليه يتشرب ف مقلاة مدهونة بالزيت نعمل شراءح البصل يتشحرو مزيان حتى يدبالو و يبداو يتحمرو

نضيف ورقة موسى تم الشومبنيون مقطع واحد دقيقة يتشحر مع اضافة الزبدة ونضيف الكريمة ونخلي الخلطة تتشرب ف بعضها لدقيقة مع اضافة نص ملعقة صغيرة خرقوم حسب

الدوق وابزار ورشة ملح وفص توم محكوك ندهنو مقلاة الشواء بالزيت باش ما تلصقش او طيفال ونعملوها تسخن ونعملو الستيك يتحمر من الجهتين ونقدموها بالصحة والراحة

ملاحضة ادا تقالت الصوص ممكن اضافة قليل من الماء على حرارى مهييييلة غير تغلى نطفي عليها باش نحصلو على القوام الطري والساءل للصوص

من طرف **بنت من البنات** 7/11/2015, 20:39

هذشي باين لذيييذ
الله يعطيك الصحة

من طرف **بنت من البنات** 7/11/2015, 20:41

مع ملعقة الواستر صوص
أول مرة نسمعها شنو هذي؟

من طرف **حلاوة روح** 7/11/2015, 20:49

قرعة فيها بزاف نكهاات كدار للدجاج والحوت المهم اختياري وكاين فمرجان
ماشي ضروري

من طرف **hacer ayfer** 7/11/2015, 20:53

بنت المملكه أنا جايا نتعشى ههههه.
الله يعطيك الصحه عن نفسي كنفضل الدجاج أو بيبي على اللحم.
شكرا على الطرح اللديد يامييييي.

من طرف **حلاوة روح** 7/11/2015, 21:02

كنزه كتب:بنت المملكه أنا جايا نتعشى ههههه.
الله يعطيك الصحه عن نفسي كنفضل الدجاج أو بيبي على اللحم.
شكرا على الطرح اللديد يامييييي.

حتى انا كنفضل الدجاج على اللحم دكشي علاش كنوع فيه كل مرة حيت عندي مع هاد التخربيق خصوصا مالي تيكون فيا الجوووع غير كنختارع ههههه بصحتك وراحتك احبيبة

من طرف **بنت من البنات** 7/11/2015, 21:02

بنت المملكة كتب:قرعة فيها بزاف نكهاات كدار للدجاج والحوت المهم اختياري وكاين فمرجان
ماشي ضروري

شكرا

من طرف **حلاوة روح** 7/11/2015, 21:37

العفو اختي

من طرف **hacer ayfer** 8/11/2015, 01:40

بنت المملكة كتب:
كنزه كتب:بنت المملكه أنا جايا نتعشى ههههه.
الله يعطيك الصحه عن نفسي كنفضل الدجاج أو بيبي على اللحم.
شكرا على الطرح اللديد يامييييي.
حتى انا كنفضل الدجاج على اللحم دكشي علاش كنوع فيه كل مرة حيت عندي مع هاد التخربيق خصوصا مالي تيكون فيا الجوووع غير كنختارع ههههه بصحتك وراحتك احبيبة

يعطيك الصحه يا أميرتي