قصة وصال وغسان في منتهى الروعة الجزء 36
بحـث
 
 

نتائج البحث
 

 


Rechercher بحث متقدم

المواضيع الأخيرة
» شفاء من الامراض..!
اليوم في 06:49 من طرف ملكة مملكة ازيير

» مسابقة اجمل عروس وافضل فارس هيموني
اليوم في 06:31 من طرف شيبو

» نداء لشيوخ المنتدى..تفضلوا مشكوورين
اليوم في 06:28 من طرف شيبو

» لو حبيبك مايصرفش عليكي .. دي وصفه تخليه يديكي فلوس ويصرف عليكي كتيييييييير
اليوم في 06:27 من طرف اللؤلؤة

» لبنات جبت ليك نصائح كيفاش تجدبي راجل لعندك لي مرتبطة دخل و لي سيليباطير حتااا هي
اليوم في 06:15 من طرف باربي المغرب

» وصفة القبول باللدون مشهووورة
اليوم في 06:08 من طرف ليلى جبران

»  للتسهيل الوضيفة
اليوم في 06:07 من طرف amanda87

» للتخلص من عاهرة بغات تاخذ ليك را جلك
اليوم في 06:01 من طرف الأمل

» بعض النصااائح
اليوم في 05:41 من طرف سارة بنكيران

» نظرة الرجل للمراة تعكس شخصيته
اليوم في 05:38 من طرف سارة بنكيران

» وصفات الصحراوية والعبدية والعضوات القدام والجداد
اليوم في 05:35 من طرف سارة بنكيران

» الطرق الخاطئة والصائبة لمعالجة المشاكل
اليوم في 05:34 من طرف سارة بنكيران

» صواب لالة مليكة الفاسية الزهوانية
اليوم في 05:30 من طرف bensfar

» لقضاء الحاجة .. مجرب
اليوم في 05:21 من طرف سارة بنكيران

» مليكة الشكورية
اليوم في 05:10 من طرف bensfar

احصائيات
هذا المنتدى يتوفر على 101325 عُضو.
آخر عُضو مُسجل هو Fati90 فمرحباً به.

أعضاؤنا قدموا 5499021 مساهمة في هذا المنتدى في 184853 موضوع
تدفق ال RSS




قصة وصال وغسان في منتهى الروعة الجزء 36

استعرض الموضوع السابق استعرض الموضوع التالي اذهب الى الأسفل

حصرى قصة وصال وغسان في منتهى الروعة الجزء 36

مُساهمة من طرف لالة شمس الضحى في 29/11/2015, 23:22

خليتو يكمل:"واخا اتفاجأت ملي لقيتك مازالة بنت..ولكن هذا ما كيبرر والو..شحال كينعسو مع بعضهم بلاما تقاس العذرية ديال البنت..",شاف فيا باستهزاء وألم وكمل:"هاد شي كامل وأنا مازال معتقد بلي راكي كتمثلي عليا..حتى قلتيلي بلي كنتي مع باباك وسلمى نهار الحادث..صدمتيني..خاصة ملي عرفت بلي راكي مصابة بفقدان الذاكرة الجزئي..من ذاك النهار مشيت كنبحث فداك المرض..عرفت بلي هو مرض كيخليك تنسى شي شخص ولا أشخاص مرتبطين بشي حدث مؤلم فحياتك..كيخليك تنسى جميع الذكريات لي مرتبطين بيه..وعرفت بلي يلا حاولت نفكرك ولا نبزز عليك تفكري..ربما توقعلك صدمة عصبية كبيرة..ذاك شي لاش بقيت كنتعامل معاك على أساس مكنعرفكش من قبل, وحتى الواليدة ديالي..خليتك تتفكري بشويه عليك..حتا للنهار لي قلتيلي بلي تفكرتي بلي كنتي كتبغي شي واحد وباغي يتزوج بيك وباباه كان معارض..تما تصدمت وطاحو عليا جميع الأفكار..شكيت ربما يكون الوالد عندو دخل فالمشاكل لي وقعو بيناتنا..فكرت ربما تكون ضحى هي السباب..حيت هو كان باغيها تكون مراتي وكانت عزيزة عليه..فكرت فجميع الاحتمالات..داك شي لاش جبتها معايا داك النهار للدار..كنت عارف بلي راها مخاطرة..خاصة أنك كنتي كتكرهيها..ولكن كان خاصني نديرها..وكيف ما توقعت..من داك النهار وذكرياتك بداو كيرجعو..", حسيت بيه كيتنهد, رخالي من يدي ودوز يدو على شعرو ووجهو وعلا عينيه وشاف فيا, ديك الشوفة نفسها..لي كنت كنكره..ولي تفكرت دابا بلي هي لي كانت كتعجبني فيه بزاف..بدا قلبي كيضرب..سولني:"واش عاقلة على هاد شي ولا والو؟", هزيت راسي بشويه,وجاوبوتو:"آه, ملي كنتي كتعاود بديت كنتفكر هاد الأحداث..واخا مضبب داك شي وممفكراهش مزيان..ولكن مازال عندي مشكل"..بداو دموعي هابطين..حسيت بالإحباط..باليأس..واخا تفكرت..مازالا ما قضيت والو..مازالة ماعقلاش على أهم ذكرى..آشنو طرا فديك الليلة مع عمران؟ كنتمنا كن كنت نتلاقاه..نهضر معاه ويشرحلي..حطيت يدي على راسي وسولني "غسان":"شنو هو المشكل؟", جاوبوتو بإحباط كبير:"ما قدراش نعقل على ديك الليلة مع عمــ...عمران", دور وجهو وضحك باستهزاء:"ما عندك ما تفكري..كلشي كان واضح وباين..وأصلا كنتي شاربة بزاف..مستحيل تعقلي على شي حاجة..", قاطعتو وأنا كنغوت:"انا ماشي خائنة آ غسان..أنا مستحيل ندير داك شي..ديك الليلة تدارلي شي قالب أنا متأكدة..كن كنتي كتبغيني بصح كن قلبتي وبحثي..كن تقتي فيا..انا متأكدة بلي ضحى هي سباب فكلشي.. هي مخططة لكلشي..", ناض "غسان" من بلاصتو معصب وغوت حتى هو:"سكتي..نتي ديما كلشي ملصقاه فضحى..واخا دير لي دارت ما توصلش لهاد الحقارة هادي..وما تحاسبينيش..كن كنتي بلاصتي غتيقي داك شي لي شافوا عينيك..الثقة؟؟ ضحكتيني..كيف ما تقتي بيا نتي نهار لي شفتي ضحى معنقاني..ما خليتينش نشرحلك ولا نبررلك..قطعتي علاقة قوية وطويلة بسبب قلة التقة لي كنتي دايرة فيا", نضت حتى أنا من بلاصتي وبديت كنغوت وأنا كنبكي:"نتا ما فاهم والو..أنا ما قطعتش علاقتي بيك بسبابها..أصلا أنا بديت كنبعد عليك قبل داك النهار..ما عمرك ما تسائلتي على الظروف ديالنا لي كانت كتكفس نهار على نهار؟ باباااااااااك..هو سبابنا..", قرب ليا ووجهو صفر, شدلي فكتافي وانا كنشهق ونبكي:"كيفاش؟ هضري؟ شدخل الوالد فهاد شي؟", نفضت كتافي وعطيتو بالظهر :"واحد النهار غير بالصدفة اكتشفت بلي باباك هو لي كان مكحل الضواصا لبابا..هو سبابو باش جراو عليه من الخدمة..وهو لي كان كيسبقو لأي شركة كيبغي يدفع ليها وينوضلو المشاكل فيها..هاد شي كلو حيت تزوج بسلمى..ومن بعد هدد بابا بيا..حيت عرف بلي كنا كنتلاقاو بزوج..هو لي كان سباب فأول نوبة قلبية كانت جات لبابا..داك النهار لي كنت دايرة معاك وما تلاقيناش..جا للدار وبدا كيعاير فبابا", غطيت وجهي وأنا كنتفكر دوك الإهانات لي تعرضلهم بابا داك النهار وقلت بصوت مزعزع عند البكا:"قررت داك النهار نضحي بحبنا وكلشي..غير باش باباك يعطينا بالتيساع..", حسيت بيه شدني من كتافي ودورني لعندو:"وعلاش ما قلتيليش هاد شي؟", "ماكنتيش غادي تيقني..وحتا يلا تيقتيني ما كنتش باغاك توقف فوجه باباك..هو كان ما كيرحم حتا واحد..بنتو وما رحمهاش..خفت عليك وخفت على القرار لي فيه مصلحة للجميع..
لالة شمس الضحى
لالة شمس الضحى
هيموني جديد
هيموني جديد

https://www.esrar7olm.org
عدد المساهمات : 99
تاريخ التسجيل : 16/10/2015

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

حصرى رد: قصة وصال وغسان في منتهى الروعة الجزء 36

مُساهمة من طرف زين الحلوة في 10/11/2018, 20:56

شكرا
زين الحلوة
زين الحلوة
هيموني فوق السحاب
هيموني فوق السحاب

https://www.esrar7olm.org
انثى
برج : الدلو
عدد المساهمات : 7023
العمر : 29
تاريخ التسجيل : 21/04/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى
DMCA.com Protection Status