شكون جربت سورة يس

من طرف **ghajariya** السبت ديسمبر 05, 2015 2:54 pm

السلام عليكم ورحمة الله تعآلى وبركاته

البنات لاباس عليكم ؟؟ بغيت نسولكم

شكون فيكم جربت سورة يس وصدقت ليها
وهي صادقة لانها سورة عظيمة وقريت بزاااف عليها
ناس سهلت عليهم كل ما صعاب بنات تزوجوا ونساء ربي
سهل ليهم الولادة و.. و.. و.. بغيت تجاربكم حيت بديت تقرآها

هذه الابام وبغيت حاجة تحمسني بالرغم اني متيقنية من اجابة الدعاء
يا الله أ لغزلات شي تجارب مزيانه

من طرف **reemsaab** السبت ديسمبر 05, 2015 2:58 pm

لا تجربة مع الله وكلامه
توكلي على الله وعلى قد نيتك غادي تحصدي

واكيد نيتك زوينة وباذن الله تعالى تبلغي المراد

حبيبتي القرآن بلا متسولي فيه .....حيت هكا تحاجة متصدقلك
والقران كلو خير وبركة
أهم الحاجة هي اليقين وحسن الثقة بالله
ونتمنا لك التوفيق

من طرف **حلاوة روح** السبت ديسمبر 05, 2015 3:24 pm

حبيبة عمرك متقولي واش جربتي القران القران كله منفعة توكلي عالله وداوميها مع النية الخالصة والله يسخر

من طرف **malak.1** السبت ديسمبر 05, 2015 3:24 pm

اختي سورة يس زوينة بزاف في استجابة الدعاء, قرايها العدد لي تقدري ودعي الله كيستاجب اكيد,

من طرف شجرة الدر السبت ديسمبر 05, 2015 3:25 pm

كتعدل قبول جرابتا وصبت عليها

القران كلو منفعه واايلا تعطل ليك فاجابه عرفي راسك واكله دق وكتنقاي دير نيه و ربي يحن

من طرف **samara madloma** السبت ديسمبر 05, 2015 3:56 pm

انا ياله بديتها بواحد الطريقة قالت عليها واحد البنت هنا في المنتدى كنقراها كل ليلة وملي كتوصل لقوله تعالى()إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ) كنعاودها 27 مرة ومازال مكاين جديد ولاكن كنقراها حتى الى مجابتش نتيجة نكون خديت اجر قراءة القران