ساعدوني عفاكم هذي آخر فرصة لي معاه

سلام اخوتاتي .انا مع بوركابي أكثر من 3 سنين حتى عرفونا الناس صافي ناويين تزوجوا ودبا حسيت بيه بغى يقلب علي. هاذ الأيام غانتلقاو. قلت له نتلاقاو فالشاطى حيث أنا مكندخلش لعندو للدار. واكيد غادي نتناقشوا واحتمال كبير انه يكون اللقاء الأخير بناتنا. اناصبرت عليه حيث كنبغيه ورفضت خطاب بسبابو ودبا ناوي يغدرني. والمشكل بلا سبب. انا بغيتكم تعاونوني عفاكم كيفاش ندير بغيت نأخذ شي حاجة ديالو مثلا الاثر ديالو لي ممكن نأخذ بحال اش؟ وكيفاش ندير ناخذه؟ مع العلم غنكونوا فالبحر لكن انا أكبر خوافة وهو حاضي راسو بزاف . عاونوني راه بقى تابعني حتى قبلته وبغيته ودبا بغى يغدربعدما ضيعت معاه 3 سنين . وكرامتي ما غتسمحش لي بإهانة أكثر. الله يجازيكم بالخير جاوبوني

امين .شكرا احبيبة على ردك. الله ينولك لي فبالك يارب. واش الاثر ناخذه من الأرض ولا التراب لي لاصق فاسفل الصباط؟ اشنو احسن. ؟وسمحيلي على السؤال راني كنفتقد بزاف للخبرة فهاد المجال

شكرا لك اخي. فعلا انا ما نقبلش نعيش مع انسان مكيبغينيش. لكن هاذا هاد المدة كاملة وهو لاصقني وكيقول كيبغيني. يعني ماشي بغيته غير هكذاك. وما عرفتش السبب علاش تقلب علي. وأنا حسيت انه لعب علي وبغيت ننتقم لكرامتي. كنتمنى نكون شرحت لك السبب أخي الكريم.

ملي حسيتي بيه باغي يغدرك بعدي لتيساع و خليه موراك هو يحس بالشمتة فالاول غادي يقول مزيان لي جات من عندها ولكن من بعد عاد غادي يحس و ماتنسايش ربي ماتيسد باب حتى تيحل بيبان ماكناش دايرينهم فالحساب و الله يسهل ليك امورك وايلا كان مكتاب ايضور حتى يعيا و يرجع

ختي معندك مديري بالاثر وتخربيق صلي وطلبي الله هليك بسورة طه راه كينين لوصفات نتعاع القران فالمنتدى اماىداكشي لاخر غادي غير يكرهورفيك زيادة طلبي الله قراي بكي ربي ميرجعكش الى هاذ الانسان فيه الخير حيدي داكشي ديال السحور غادي يفرقو عليك ديال بصح ربي يمكن بغا يختابرك طلبي الله سيري للوصفات كاينين الي حنو قلبو عليك لبنات ميقصرةش معاك اهنا وبعدي من السحر

عندك الحق اختي ميرة انا غير نية مظنيتش باغي يغدر بقيت كنسول فيه وصدقته حيث قالي مشغول بسبب شي ظروف فالخدمة حيث ماولفتش فيه يتقلب وما عنديش سبب يخليني نفكر هكدا. حتى وصلت لمرحلة ما بقيت فاهمة والو. وما عرفتش علاش دار هدشي كامل اصلا. الله ياخد الحق. شكرا اختي على دعاءك معاي

اختي مريم كلامك زوين كيريح. انا فعلا بديت كنقلب فوصفات القرآن الكريم وكنطلب من ربي يرده إلا فيه للخير. وإلا كان مصر على فراقي فيعني ظلمني وربي ينتقم لي منه. جربتي شي وصفة قرآنية اختي كتبيها لي مشكورة .راه اختي انا حسيت بالشمتة وهدا علاش فكرت ننتقم منه

[/hide]

شكرا انسة زهرة

العفو أختي ادعيلي برك تتيسر احوالي
نهار تتلاقايه رددي مايلي (بالكاف كفيناكم وبالله إتقيناكم أنتم النار ونحن بالماء أطفيناكم ) تقال عند مقابلة شخص انت على دراية انه غاضب منك فيلين قلبه باذن الله واصلي قراءه طه يوميا وفوسخي راسك اهم شي ودعك من وصفات الشر لانو الدنيا فانية واحنا عايشين فيها ضيوف متدريش الموت وقتاش تزورك ساعتها مينفعكش الندم وتشري مكان في جهنم والله المستعان جربي طه راهي مفييييدة جدا وتلين القلوب

شكرا لك أختي الكريمة. نجربهم إن شاء الله

اختي بعدي من السحر راه غايجيبلك غير الهلاك انت غايرزقك الله ماحسن والغدر دابا احسن من الغدر بعد الزواج هدا مافيهش تقة وحنى السحر متفيهش تقة يجي نهار يتفك وتصدقي انت اللي خاسرة حياتك

صلي صلاة الاستخاره لفيه لخير غيكتب لكالله لمفيهش لخير غيبعد منك

شكرا جزيلا لأي وحدة جاوباتني. الشيء لي أثار استغرابي ان الأعضاء كيقولو لي نبعد على السحر مع أننا في منتدى السحر .يعني علاش دخلنا هنا. وكنقول انتم على حق. إنما انا كيف شرحت بغيت غير ننتقم لكرامتي يعني هو غادي يقول لي سالينا ظلما. وأنا بغيت نرده حتى ننتقم فقط ماشي يرميني يعني نخليه انا ماشي هو لي يخليني راه الناس كلها غادي تعرف أنه هو لي تخلى ماشي انا. حيث هو فاش غيصارحني برغبته فقطع العلاقة ماغاديش يبغيه لي خاطري مزال.بصح بغيت نستمر معاه. لكن فاش غيقولها لي لا. .

وعلاش متقلبي انت و تقولي خويا كنت كندوز بيك الوقت ولكن  دبا جا الرجل ديال المعقول متبقاش تعيط لي و شوفي الى نافوخ ديال راسو يطير حتى راجل ميقبل ترميه المرأة وخا يكون مبغيهاش كوني زعيمة و هدري بثقة وعلى الأقل تخرجي بكرامتك لانه واضح انه هاد سلات ساعتك معاه

شكرا لك أختي ليلي. وآخا غنقولها له. واخا هو طبعه عنيد وماشي من النوع لي كيتراجع على قراراته بسهولة. وهذا عيبه ومن غير هكذا كان ديما محترمني ومعاملني احسن معاملة .وانا كذلك . معرفت اختي علاش تقلب غير بوحده. دعي معاي اختي ربي يغلبني عليه

....