بسيطلات صغار بعجينة المسمن

العجين دقيق القمح (فينو) دقيق الفورص شوية الملح عجين تكون قاصحة وطلقها بالدليك حتى تولى طرطق تم حطوها في إناء دهنيها بالزيت وغطيها بالبلاستيك وخاليها على جنب
الحشوة بصلة مشلضة جزر محكوك قرعة الخضراء محكوكة فلفل أحمر حلو صدر دجاج زيتون أخضر شعرية الروز ضرس توم زعتر طري ربيع مقطع عطرية ملح ابزار خرقوم البلدي تحميرة
جبن متلت كأس حليب
الطريقة :
نقطعو الدجاج قطع صغيرة ونشحروه مع بصلة وملح والزيت البلدية والتوم حتى يتشحر مزيان تم نضيف له كأس لحليب مع جبن متلت وزعتر طري ونخليهم يغليو حتى تحصلو على كريمة بيضاء
الحشوة التانية نشحرو البصل تم الجزر تم القرعة ونضيفو لهم العطرية حتى يتشحرو مزيان نطفيو عليهم ونضيفو لهم شعرية الروز والزيتون
تم نقرصو العجين قرصات صغار ونورقوهم متل المسمن العادي مزيان فحال الورقة نوضعو حشوة الخضر تم فوقها الدجاج ونحكو عليها الجبن الأحمر ونجمعوها على شكل بسيطلات ندهنهم بالبيض وندخلوهم الفرن متوسط الحرارة حتى تحمرو بعد ما نخرجوهم نحكو عليهم الجبن الأحمر وبصحة والراحة



منقول للافادة

اممممممم  يشهيو علاش فتحتي هديك علاش هههههههههههه
مشكورة حبيبتي

شهيتك كيما كتشهيني ديييما هههههههههههههه
العين بالعين

شكراا 
كيشهيووو