عااااافاكوم بغيت طبيب على وجه السرعة

من طرف Mariyem 5/1/2020, 07:33

البنات الله يرحم ليكم ما عز عليكم قولولي على شي طبيب فالدار البيضاء ندير إجهاض راني والله حتى ربي لي عالم بيا .. ماعمرني تخايلت راسي فهاد اللحظة .. أنا عارفة دابا لي فات مات و لي وقع وقع عتقوني راه مايمكنش ندير شي حاجة من غير الإجهاض لقيت راسي حاملة فشهر دابة ... عتقوني بطبيب

من طرف Mariyem 5/1/2020, 12:25

عتقوني بغيت ربي يستركم

من طرف Mariyem 5/1/2020, 14:01

البنات عافاكوم شي وحدة تشوف فيا بالرحمة الله يرحم الوالدين والله حتى تلفت

من طرف **حلاوة روح** 5/1/2020, 14:04

واش من نيتك اختي كتطلبي لبنات يعتقوك باش تقتلي روح فين كنت فاش ..
علاش مكتفكروش فالعواقب
كاينين الي باغيهم ملقاهم وكاين الي لقاهم ومابغيهم
يارب تسترنا دنيا واخرة
ماعنديش باش نفيدك الله يفرج

من طرف Mariyem 5/1/2020, 15:31

ختي عندك الحق أنا حمااااارة و ماكانسواش ولكن هادشي لي طرا دابا راني غادا نموت ... عتقوني الله يشوف من حال كل وحدة

من طرف **حلاوة روح** 5/1/2020, 15:52

مزيان اعترفتي بالغلط الله يفرج عليك ويشوف من حالك

من طرف Mariyem 5/1/2020, 16:03

آمين

من طرف Mariyem 5/1/2020, 20:05

حتى وحدة ما بغات تجاوبني ..

من طرف **عندي الله** 5/1/2020, 20:09

لاحول ولاقوة الا بالله اوا داك مزغب الترمة فينهو من هدشي هو لي يدبرلك على الطبيب ويخلصو خرجي عنيك ومتبينيش ليه انك خايفة من الفضيحة ولاخايفة من داركم مادام كنتي قافزة معه فهدشي كملي القفوزية بتخراج العنين والتهديد

من طرف **الفراشه الساحره** 5/1/2020, 20:32

كفما قالت ليك الاخت عندي الله شدي فيه يخلص ليك غير الطبيب بالنسبه للطبيب راه خاصك الفلوس المهم اختي انا نعرف واحد في سلا و واحد في الرباط ولكن لمضمون هو هدا ديال سلا هو جينيكو و معروف اختي ولكن هدري معا هداك الموصيبه و خرجي فيه عنيك يخلص ليك الطبيب الله يسترها مع البنات كاملين و صافي

من طرف **عندي الله** 5/1/2020, 20:37

انا قلبتلك ولقيتلك هاد روابط قراي التعاليق حيت فيهم بزاف صفحات لعل وعسى تلقاي لي ينفعك فيهم
https://www.esrar7olm.org/t5862-topic?highlight=%D9%84%D9%84%D8%A5%D8%AC%D9%87%D8%A7%D8%B6

من طرف **عندي الله** 5/1/2020, 20:37

https://www.esrar7olm.org/t9724-topic

من طرف Mariyem 6/1/2020, 22:24

البنات لهلا يخطيكم والله الله يرحم ليكم الوالدين السيد اللي معايا راه عاطيني فلوس ما هربش فالصراحة راه غير الظروف لي مامخلياناش نتجمعو هاد الساعة .. دعيو معايا البنات

من طرف **الفراشه الساحره** 6/1/2020, 22:45

Mariyem كتب:البنات لهلا يخطيكم والله الله يرحم ليكم الوالدين السيد اللي معايا راه عاطيني فلوس ما هربش فالصراحة راه غير الظروف لي مامخلياناش نتجمعو هاد الساعة .. دعيو معايا البنات

وبعدا غير يخلص ليك و ديك ساعه يضبر راسو ....

من طرف **صولجان** 6/1/2020, 23:23

الله يفرج عليك محنتك ويستر كل الوليات يآرب

من طرف منتحرة 7/1/2020, 00:15

ختي نسيم الامل
بشحال كدير العملية ؟

من طرف **الفراشه الساحره** 7/1/2020, 00:59

من طرف Mariyem 7/1/2020, 11:00

ختي نسيم الأمل واش مانخافش نقولها للسكرتيرة ماكاين حتى خطر عليا ؟؟؟؟

من طرف **الفراشه الساحره** 7/1/2020, 12:05

Mariyem كتب:ختي نسيم الأمل واش مانخافش نقولها للسكرتيرة ماكاين حتى خطر عليا ؟؟؟؟

من طرف Mariyem 7/1/2020, 20:58

واخا أختي لهلا يخطيك الله يرحم ليك الوالدين

من طرف **الفراشه الساحره** 7/1/2020, 21:00

امين اختي و الله يفرجها عليك اختي

من طرف maroabeauty 8/1/2020, 14:07

3afak akhti hta anq mhtajالكتابة بالعربيa ltbib wach moumkine t3etini adresse dyal tbib hal3ar

من طرف maroabeauty 8/1/2020, 14:14

Khti maryam wach mchitoالكتابة بالعربي and tbib ila kan nmchi ana wyak gheda

من طرف **الفراشه الساحره** 8/1/2020, 15:43

maroabeauty كتب:3afak akhti hta anq mhtaja ltbib wach moumkine t3etini adresse dyal tbib hal3ar

من طرف **الفراشه الساحره** 8/1/2020, 15:45

من طرف maroabeauty 8/1/2020, 18:02

Chokran الكتابة بالعربي

من طرف **الفراشه الساحره** 8/1/2020, 18:10

من طرف maroabeauty 8/1/2020, 20:48

Mariyem الكتابة بالعربي

من طرف **الفراشه الساحره** 8/1/2020, 21:32

كتبي بالعربيه احبيبه باش نقرا اش كتقولي

من طرف maroabeauty 8/1/2020, 23:24

واش الاخت مريم مشات اليوم عند الطبيب وكيداز داكشب

من طرف **الفراشه الساحره** 8/1/2020, 23:52

معرفتش اختي نتسناو حتا تجاوبنا اش دارت الله يدير ليها تاويل ديال الخير

من طرف maroabeauty 8/1/2020, 23:59

امين وحتى انا غنمشي فصباح نشاء الله

من طرف **الفراشه الساحره** 9/1/2020, 00:02

الله يسهليك امورك و يفرج عليك اختي

من طرف ألهومي 9/1/2020, 08:06

كاين واحد معروف انا شخصيا درت عندو العملية الله يسمح لينا بكثر ماالناس كتمشي تدير عندو الكورتاج مبقاش مختص فمرضى الطب العام ولا غيربحالهاد العمليات .
اولا هو مكتشوفيهش تاتكوني ناضيه وجايه واجده .
من قبل كتعطك الفرمليه الرونديفو وضرووري تجيبي صوره الراديو .
نهار العميله الدكتور المختص بالتخدير تاهو كيجي المهم مبغيتش نطول عليكم باختصار خذا مني 7000 درهم تقريبا بتدويره لفرملية ولكن فقت من البنج ناضيه نقيه تا الدم مكاينش كيحيدو كامل وكيدير ليك كموصه فتوتو فيها دوا ومضاد حيوي تحيديها مور 24 ساعه كتلقاي ريحتك كتهبل و ليغيگل تال شهر لاخور عاد كتجي فوقتها

من طرف ألهومي 9/1/2020, 08:09

انتي عندك غير شهر ديري غا الفنيد بالخف زربي على داكشي حسن متخسري بزاف دالفلوس كاين طبيب كيدير الاجهاض بالفنيد ب ٢٠٠٠ درهم ولا خودي لك ارتوتيك تاهو دارتو صاحبتي وطيح ليها عاد مشات عند طبيبه قلبتها واش نقيه من داخلوعطاتها قويلبات ينظفو وهانتي حليتي المشكل

من طرف ألهومي 9/1/2020, 08:35

انتي عندك غير شهر ديري غا الفنيد بالخف زربي على داكشي حسن متخسري بزاف دالفلوس كاين طبيب كيدير الاجهاض بالفنيد ب ٢٠٠٠ درهم ولا خودي لك ارتوتيك تاهو دارتو صاحبتي وطيح ليها عاد مشات عند طبيبه قلبتها واش نقيه من داخلوعطاتها قويلبات ينظفو وهانتي حليتي المشكل

من طرف maroabeauty 9/1/2020, 10:18

الاخت فين جا هاد الطبيب لي قلاي كحيد ب 7000

من طرف **عندي الله** 9/1/2020, 18:53

من طرف دموع نيسان 10/1/2020, 08:09

اختي كاين واحد الطبيب نعطيك الرقم ديالو ممنوع راجعي قوانين المنتدى

من طرف maroabeauty 11/1/2020, 02:09

اختي كتبي ليا غاسميتو عتقيني بيه

والأجمل من الحب ان توفي ب الوعد