بحـث
 
 

نتائج البحث
 

 


Rechercher بحث متقدم

المواضيع الأخيرة
» هادي للعرايسات الجداد يكون ديما عندك زهار معاه وديما يجيه النعاس ديالك حلو.
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:53 من طرف منال بيلا

» وصفات سعد سعود واو
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:52 من طرف Rajja

» ها الجديد احسن قبووووول تشوفوه بعينيكم مغمصين
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:52 من طرف منال بيلا

» قبول لعويناتكم البنات كلشي ديال 2016
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:51 من طرف لموي

» الي لم تنجح معهم الوصفات
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:50 من طرف منال بيلا

» وصفة توقع المحبة سهلة مافيش اسهل منها
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:49 من طرف منال بيلا

» قبول العطر أو ماء الورد
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:48 من طرف منال بيلا

» قبول متوفر وعجيب
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:47 من طرف لموي

» انتقآم مبآشر من كل ظالم ومن كل انسان اهانك
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:47 من طرف مرح٨٧

» تهيج راجلك ديما عليك وتخلي ديما الق**** ديالو قايم عليك
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:47 من طرف منال بيلا

» تطويع زي الفل ... بالعسل الحر و الصورة
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:46 من طرف منال بيلا

» لترحيل ظالم او فاجر
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:45 من طرف مرح٨٧

» قبول الطايح كثر من نايض للاخ كانكاوي وااااااو
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:45 من طرف لموي

» وصفة تبينك حلوة في عينين الناس اللي كيهموك
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:44 من طرف منال بيلا

» وصفة الكوكوت ايفكاس يحنان قلب الراجل بزز
قصة السي العجقوفي وبنتو السلهوبية وعريس الغفلة "شحيفة" Emptyاليوم في 17:43 من طرف منال بيلا


قصة السي العجقوفي وبنتو السلهوبية وعريس الغفلة "شحيفة"

استعرض الموضوع السابق استعرض الموضوع التالي اذهب الى الأسفل

قصة السي العجقوفي وبنتو السلهوبية وعريس الغفلة "شحيفة" Empty قصة السي العجقوفي وبنتو السلهوبية وعريس الغفلة "شحيفة"

مُساهمة من طرف حارس القمر في 14/1/2020, 14:50

[rtl]هاد الحكاية نعاودها ليكم بحال الخرافة.. وسمحوا ليا إيلا طولت عليكم ولا شي حاجة ولكن هاد الشي راه كاين ووقع قدام عيني.. وإيلا ما عجباتكمش الحكاية غير سمحوا ليا وصافي وبلا معيور الله يرحم الوالدين.. [/rtl]
[rtl]المهم هاد القصة هي على واحد الشاب مسكين سميتو "شحيفة" كان عايش فواحد القرية بعيدة، وعشق واحد البنت سميتها "السلهوبية" وأمها  سميتها "المرملة" بنت "خيتي كوداس"، حيت البنت جداها سميتها "خيتي كوداس"، المهم هذا موضوع آخر، المهم هو الدري حب ديك البنت وبغاها وما عرفش كيفاش يدير يوصل ليها حيت قالوا ليه باها صعيب شوية التفاهم معاه.[/rtl]
[rtl]ديك البنت باباها كانوا كيعيطوا ليه "العجقوفي" حيت هو من واحد القبيلة كيقولوا ليهم "العجاقفة" كانوا معروفين بالكرم ديال الضيوف، وهو كان كيفتخر بزاف بقبيلتو، المهم الدري مشا ضرب الطريق بقى غادي فالدوار حتى وقف حدا دارهم، وبقى كيتسنى يشوف هاد باباها اللي ما كيتفاهمش كي داير، قالوا ليه غادي يجي من الجامع وغتشوفو، شوية راه السي "العجقوفي" جاي من الجامع، صلى العاصر وجاي بجلابتو، وقف قدام باب دارو، وبدا يتهز حتال السما ويخبط راسو مع الحيط ديال الدار ويقول: أنا هو العجقوفي نكرم ضيوفي قبل ما يشبع جوفي وللسما هاز نيوفي، وبدا يدير هااااااببببببببب بحال فهيد، وبدا يقول: الخوبزشاافاتاي فلعولا قالوا بلاتي بالنوبة، حتى حلوا ليه باب الدار ودخل.[/rtl]
[rtl]المهم الدري قال مع راسو: وباين هاد باباها صعيب شوية نيت باش تهدر معاه، ولكن تشجع ومشا دق الباب، حلوا ليه، قال ليهم أنا طالب ضيف الله أنا غير دايز من هاد القبيلة، هو يسمع باها كيغوت من الداخل: ساخطين عليا جدودي العجاقفة مالين الجمال الواقفة إيلا ما كرمت ضيفي وهزيت نيفي ونيف جدي العجقوفي، قولوا ليه يدخل، دخل أولدي دخل.[/rtl]
[rtl]المهم الدري دخل مخلوع، والدرية وماماها عارفينو وعارفين أشنو باغي، ولكن قالوا ليه ما يزربش ويسكت حتال الوقت المناسب باش يدوي مع باباها باش ما يغلطش فشي كلمة ولا شي حاجة. المهم العجقوفي عندو ولدو مصطي سميتو "الهفتة"، عيط عليه وقال ليه سير أوليدي جيب لينا شي فروج نطيبوه للعشا أنا غادي للجامع نصلي العشا.[/rtl]
[rtl]خرج الدري الهبيل مشا للغابة كيفما ديما حتى بانت ليه واحد البطة سمينة كتعوم فواحد الضاية بقى تابعها حتى شدها وجابها للدار، طيبوها، وملي جلسوا يتعشاو جا السي العجقوفي ووقف وبدا يتهز حتال السما ويصرفق فراسو ويضرب راسو مع الأرض ويندب ويبكي ويشكي شي نص ساعة وقال ليهم: مرحبا بضيف العجاقفة حنا ناس الخير والصفا والجود والوفا والأصل والعفة. هو يقول الدري المصطي "الهفتة": والدجاج والسفة.[/rtl]
[rtl]نقز العجقوفي قال للشاب: سمع أوليدي أ "لحيسة" ولا اش يقولوا ليك، وهي تقول ليه "المرملة" أمت البنت: "شحيفة أ الحاج سميتو شحيفة، هو يقول ليه: سمع أوليدي إن شاء الله حتى أنت اللي غتفرق علينا هاد الفروج. الدري حشم قال ليه: لا أعمي غير تكلف أنت، هو يوقف السي العجقوفي هو يضرب الطابلة بيدو حتى طارت البطة حتال السقف وعاود طاحت فالطبسيل وقال: ينعل بو جدود العجاقفة، ينعلوني جدودي، وجوادي يباتو الليلة يسوطوني، يا كلمتي ما تطيح للأرض، وأنت اللي غتفرق علينا الفروج.[/rtl]
[rtl]المهم لالة المرملة أم البنت عفطات على الشاب برجلها زعما عيق ودير اللي قال ليك بلا مناقشة، ناض الدري قطع الراس وعطاه للعجقوفي وقال ليه: الراس للراس، وجبد واحد الشحمة من وسطها عطاها للهفتة وقال ليه: الهبيلة للهبيل، وبقى كيفرق حتى وصل للكبدة وعطاها للدرية وقال ليها: الكبيدة للكبيدة، وبقى ثاني كيفرق حتى وصل للقلب هو يعطيه حتى هو للدرية وقال ليها: القليب للقليب.[/rtl]
[rtl]ناض العجقوفي بقى يضحك يضحك يضحك وقال ليه: قتلتيني بالضحك أوليدي أ "سخيفة" أنت أحسن ضيف شفتو فحياتي، وهي تقول ليه مراتو: "شحيفة" أ الحاج سميتو الله ينعل الشيطان، نوض أ الحاج تنعس باش تفيق للفجر، ومشا العجقوفي ينعس، ناضت مراتو وبنتها قالوا للشاب راك قتلتينا بالخلعة جاب الله ما عاقش بيك وما فهمش المعنى، هو يقول ليهم الشاب أنا راني زعما بغيت نمعني ليه باش يعرفني باغي نتزوج بنتو، هوما يقولوا ليه انت راك أكبر مصطي كون عاق بيك كون عاقبك.[/rtl]
[rtl]قال ليهم: شوفي يا خالتي يا لالة المرملة، أنا بنتك كنموت على خراها، وكنموت على خراك حتى نتيا، وهي تقول ليه المرملة: لاواه أوليدي موت غير على خرى بنتي أنا عندي راجلي اللي كيموت على خرايا، هو يقول ليها: أنا بغيتو يعرف قصدي، قالوا ليه سكت وصبر حتى يجي وقتها.[/rtl]
[rtl]المهم النهار لاخر مشا الرجل للجامع يصلي الظهر، وقال لولدو "الهفتة" يمشي يجيب شي دجاجة بلدية من الغابة، مشا العجقوفي للجامع ووقف قدام الباب ديال المسجد وبدا يتهز ويتحط ويضرب جبهتو ويكمش التراب ويسفو وبدا يغوت ويقول للناس: أنا العجقوفي صلاتي كنصليها فوقتها، وفالجامع بلاصتي كلشي كيعرفها، وبلغتي معروفة ما كاينش اللي يقربها، ولا يخمم يسرقها، أنا جدودي العلامة، أنا جدودي الخيالة، ودخل يصلي، ومشا ولدو الهبيل للغابة هو يصيد واحد البطة من الضاية وجابها، المهم طيبوها للغدا، وحضرات فيها معاهم "خيتي كوداس" جدة البنت، وملي وصلوا للتفراق ناض العجقوفي وقال للدري: إن شاء الله إيلا ما أنت اللي غتفرق علينا هاد الفروج، ناضت "خيتي كوداس" الشارفة قالت للعجقوفي: لاواه أ الحاج، واش الضيف يفرق؟ وهو غير دري أش يعرف؟ هو ينوض العجقوفي وبدا يتهز حتال السما ويخبط راسو مع الأرض ويجدب ويندب ويحندب ويتنف شعرو وقال ليها: ما نكونش أنا من "العجاقفة" والجدود الحالفة أصحاب الخيل الواقفة إيلا كانت كلمتي تطيح للأرض.[/rtl]
[rtl]صافي الدري سلم بالأمر الواقع وبدا يفرق، قطع الراس وعطاه للعجقوفي وقال ليه: الراس للراس، وجبد واحد الشحمة عطاها للهفتة وقال ليه: الهبيلة للهبيل، وبقى كيفرق حتى وصل للكبدة وعطاها للدرية وقال ليها: الكبيدة للكبيدة، وبقى ثاني كيفرق حتى وصل للقلب هو يعطيه حتى هو للدرية وقال ليها: القليب للقليب.[/rtl]
[rtl]هو يبدا العجقوفي يضحك يضحك والدرية وامها ساكتين ومخلوعين ناضت الجدة قالت ليه: ضحك أ الهبيل ضحك على شوهتك وعلى تكليختك، وشرحت ليه وقالت ليه الدري راه باغي بنتك، المهم هو غير ناض العجقوفي وبغا يبدا يتركل ويترطى، الدري هرب ونقز من الشرجم بالخلعة بروميار إيطاج وعطاها للجري، ولكن العجقوفي ملي ناض قال: نحلف بحلوفي وبقرتي وحلوفي وقطني وصوفي وقشوري وجلوفي إيلا ما نزوج بنتي غير للي هو معقول ويعرف المثال وحكمة القول، شتكشافاتي فلعولا، قالوا بلاتي بالبلبولة، هااااااااابببببببب، دار بحال فهيد، ملي جا يشوف لقى الدري تخلع وهرب، الدرية حشمات وتزنكات، ماماها ضربات الطم وسكتات، والجدة "خيتي كوداس" قالت ليه: راك خلعتيه أ الحاج راه هرب، المهم السي العجقوفي نقز حتى هو من الشرجم وتبعو بجرية وحدة، الدري هربان والعجقوفي تابعو وكيعيط عليه، والدري عاد فين زاد السرعة يسحاب ليه باغي يعاقبو، والعجقوفي ما باغيش عريس الغفلة يفلت.[/rtl]
[rtl]المهم هوما جراو بزاف وبعدو ما بقيتش عرفت أشنو طرى فالآخر. ولكن دابا نسول ليكم واحد صاحبي كيقولوا ليه "الكلب" عندو جميع الخبارات هو غادي يقول ليا باش سالا الفيلم.[/rtl]
حارس القمر
حارس القمر
هيموني ذهبي
هيموني ذهبي

انثى
عدد المساهمات : 2031
تاريخ التسجيل : 11/08/2012
قصة السي العجقوفي وبنتو السلهوبية وعريس الغفلة "شحيفة" Empty

الرجوع الى أعلى الصفحة اذهب الى الأسفل

قصة السي العجقوفي وبنتو السلهوبية وعريس الغفلة "شحيفة" Empty رد: قصة السي العجقوفي وبنتو السلهوبية وعريس الغفلة "شحيفة"

مُساهمة من طرف فدوى في 14/1/2020, 17:50

lol!
في إنتظار باش سلا الفيلم هههههه
شكرا أخي

_________________

꧂  ولسوف يعطيك ربك فترضى    ꧁


صدق الله العظيم

  
فدوى
فدوى
مشرفة قسم طالب وطالبة المساعدة على وجة السرعة و منتدى عناوين الشيوخ ومن العضو للعضو
مشرفة قسم طالب وطالبة المساعدة على وجة السرعة و منتدى عناوين الشيوخ ومن العضو للعضو

انثى
عدد المساهمات : 31121
تاريخ التسجيل : 15/09/2013
يمنح للأعضاء المتجاوزين 15 ألف مشاركة في المنتدى
قصة السي العجقوفي وبنتو السلهوبية وعريس الغفلة "شحيفة" Empty
قصة السي العجقوفي وبنتو السلهوبية وعريس الغفلة "شحيفة" Empty
قصة السي العجقوفي وبنتو السلهوبية وعريس الغفلة "شحيفة" Empty

الرجوع الى أعلى الصفحة اذهب الى الأسفل

قصة السي العجقوفي وبنتو السلهوبية وعريس الغفلة "شحيفة" Empty رد: قصة السي العجقوفي وبنتو السلهوبية وعريس الغفلة "شحيفة"

مُساهمة من طرف محمد حسن في 16/1/2020, 22:31

مشكور
محمد حسن
محمد حسن
هيموني متألق
هيموني متألق

عدد المساهمات : 482
تاريخ التسجيل : 05/11/2015
قصة السي العجقوفي وبنتو السلهوبية وعريس الغفلة "شحيفة" Empty

الرجوع الى أعلى الصفحة اذهب الى الأسفل

قصة السي العجقوفي وبنتو السلهوبية وعريس الغفلة "شحيفة" Empty رد: قصة السي العجقوفي وبنتو السلهوبية وعريس الغفلة "شحيفة"

مُساهمة من طرف حارس القمر في 17/1/2020, 01:42

[rtl]واحد صاحبي كيقولوا ليه "الكلب" عندو جميع الخبارات هو غادي يقول ليا باش سالا الفيلم.[/rtl]
[rtl]شكرا بزاف لالة فدوى على الرد،،[/rtl]
[rtl]أنا ملي شفت الرد ديالك تحمست وتشجعت وقلت والله حتى نمشي عند مول الحانوت "الكلب" نسولو على بقية القصة، حتى عاود ليا بقية الأحداث.[/rtl]
[rtl]هو فعلا العجقوفي بقى تابع "شحيفة" فالزناقي وكيغوت عليه باش يوقف، ناضوا شي اصحاب الحسنات ما فاهمين والو سحابوا الدري شفار ناضو شدوه، وعطاوه قتلة ديال العصا، حتى وصل عليهم العجقوفي وبدا كيفك فيهم وكيقول ليهم ما تضربوهش ما تضربوهش راه ماشي شفار هذا عريس بنتي هربان والله ما يفلت ليا، والدري حالتو حالتو حالة مسكين، عينو زركة جبهتو منفوخة راسو مبوقل وهوما يقولوا ليه سمح لينا، ودازوا للفرماصيان شراو ليه البومادا الصفرا والدوا الحمر وقالوا ليه سمح لينا نسحابوك شفار، ديك الساعة ناض ليه العجقوفي قال ليه زيد معايا أولدي للدار، وبقاو غاديين والعجقوفي من الفرحة غادي وكيدير فحماداموس الطريق كاملة.[/rtl]
[rtl]وملي جلسوا فالدار كاملين مجموعين الدري بدا يحشم وبدا يحترم فيهم هو ينوض العجقوفي وضرب الطابلة وتهز حتال السما وتعلق فالثرية وبقى معلق فيها ثلث ساعة عاد نقز منها مباشرة فوق السداري وغوت وقال: جدي مات حالف إيلا بنتي جاها مكتوبها ما نحرمها من رزقها، دابا غنجيب الفقيه يقرا ليكم الفاتحة ودابا دابا ديها الله يسهل عليكم،،[/rtl]
[rtl]وهي تنقز جداها الحاجة خيتي كوداس قالت ليه: ويلي يا الحاج والعرس فينا هو، ناض العجقوفي ضرب الطبلة بيدو وقال ليها أنا جد جدي حلف عليا قبل ما يشوفني كلمتي هي اللي ما تطيحش، هاد الدري باينة فيه مزيان سلعتو دابا يديها والعرس الله يجعلوا ما يكون حتال العام الجاي،،[/rtl]
[rtl]هو يقول العاصر الله أكبر ناض العجقوفي باش يمشي للجامع يصلي، الدري شاف راسو بقى بوحدو فالدار، العيالات ناضو للكوزينة يطيبوا المسمن، هو يقول ليهم أنا غادي نمشي ندور شوية فالزنقة ونجي، قالوا ليه سير، صافي الدري هاديك هي مشيتو زاد لدارهم ومن تما ما بقاش صد لجهة ديك الدار.[/rtl]
حارس القمر
حارس القمر
هيموني ذهبي
هيموني ذهبي

انثى
عدد المساهمات : 2031
تاريخ التسجيل : 11/08/2012
قصة السي العجقوفي وبنتو السلهوبية وعريس الغفلة "شحيفة" Empty

الرجوع الى أعلى الصفحة اذهب الى الأسفل

قصة السي العجقوفي وبنتو السلهوبية وعريس الغفلة "شحيفة" Empty رد: قصة السي العجقوفي وبنتو السلهوبية وعريس الغفلة "شحيفة"

مُساهمة من طرف محمد حسن في 17/1/2020, 22:07

شكرا
محمد حسن
محمد حسن
هيموني متألق
هيموني متألق

عدد المساهمات : 482
تاريخ التسجيل : 05/11/2015
قصة السي العجقوفي وبنتو السلهوبية وعريس الغفلة "شحيفة" Empty

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى