عندك ترون جوادك

حسب تجربتي المتواضعة بغيت نعاود ليكم واحد المضووع ضروري انا خديم الجواد ومقدم كنشوف واحد الحاجة كارتية معضم الحلات لي كايجيوا عندي كيقوليك انا متلا خويا راني مرونة في حياتي من بعد ماكنت مرتاحة وكنخدم الجواد بالنية ولكن مابقيتش عارفة علاش مبقاوش عاطيني كيما قبل خاصكم تعرفوا كل واحد عندو متلا ملك علي سبيل المتال عندها عايشة كتكون كتأدي ليها الطقوس وكتكون عطيها وفالاخر كتقوليك لملك مبقاش عاطيني لا ماشي لملك مبقاش عطيك راه فين كتمشي لمقدمة كناوية ونتي جيلالية راه هادي اول حاجة خربقتي لملك لي عندك وهنا كتعطي لفرصة لملوك اخرين يدخلوك تاني حاجة نتي عندك عيشة غتجي عندك المقدمة تقوليك عندك عيشة وحموا خاصك ديري صوابهم هانتي دخلتي حموا بلا متحسي كتمشي عند مقدمة خري كتقوليك عندك ميمون كتأدي طقوس ميمون هانتي دخلتي ميمون اش كيتسماو هاد حمو وميمون لي دخلتي كيتسماو عارض دخلتي عارض حيت مكتكونيش مطبوعين بداك لملك وبالتالي وخا كتبقاي تأدي صوابهم راه عمرهم يعطيوك بلعكس غادي يتقواو وفي الاخير يحمقوك اولا يمرضوك ويعكسوا ليك كلشي فلهادا الانسان يحضي راسوا ليرون ملوكوا ولي كيرون لملوك راه صعيب عليه لحال بزاف نتمني تكونوا فهمتوني

شكرااا اخي طيب على النصيحة

انا معندي ملوك غير بغيت نشارك وصفي ههههه

مرحبا بيك اخي

سلام عليكم
شكرا على المعلومة مقدم ديالنا
بغيت نضيف معلومات للموضوع ديالك الى سمحتي . ممكن قضية عندك ترون الى دخلك شي عارض عن طريق سحر/حسد/عين و ممكن ايضا تبغي تصرع شي واحد يكون عندو عوارض بزاف و سحر يكون قوي  راه خشبة عندك غترون . ايضا ملي كتغفل على تحصينات راه خشبة تتولي مفتوحة و لجا يدخل راه معطاوك تسابح اولا بغاوك تشد طريق ... الا باش تنتا تقوي راسك و تقويهم معاك . يعني تغرات منين ترون عندك قضية كتيرة .
سلام و محبة

عندك الحق بصح والله مكدبتي أخويا أنا محلتي كناوة وعيساوة تلفت بيناتهم وشديت لارض

وحد سؤال 10 سنين وهو مضوخني والله واش كاينة لالة مليكة الزهوانية مولات الموف كناوية وكتبغي الحنة ديالها فالميلود بنهار الاثنين فالصباح ديما كتوقف عليا بيها وأنا معارفا مانصبق مانتلي وحدين أخرين كيقولولي حتا تقادي شغلك مع الغلاب وأنا عندي زوج غلابة واحد متالقني لواحد الباشا والبواب الباشا موروت وميمون معرفتش تلفت بيا هاد الصراع عندي معاه 20 سنة وكلت الله على ليكان حيلة والسباب

الأخ ياسين عندك الحق مأخرا باش فوضت أمري لله وكلست للارض وسلمت أمري حيت عييت بسبوب والمشعودين حاشا واش يكونو رجال الله لقيت راسي وليت كانلقا راسي ديما هازة التسبيح وكنسبح وكنحس بتيقة كبيرة ولات عندي بأن الله غادي إشوف من حالي مغديش إخليني هاكدا مع العلم هاد التسبيح كنت شريتو بالشهوة من الصويرة والناس قالولي بالي راه روحاني

سمحولي راني حتا لقيت راسي كنكتب راهوم عمرهوم خلاوني نعاود قصتهوم وأنا كنلقا راحتي فبويا رحال والهادي بنعيسى الله ينفعنا ببراكتو ونهار وقفات عليا زيارة مولاي ابراهيم لاغدا فليل وقفات عليا ماما لابس الكحل قاتليا ماتمشيش راكي غادا تسرقي ومع دلك صممت نمشي يلاه دفعت الكونجي وهيا تجي كورونا وكلست لأرض مابقيت عارف واش نزور ولا لا هادا هوا حالي واش كتب عليا الله وأنا راضيا بما كتاب عليا

#sidi mossa
غير شدي طريق و بعدي على مخلوضين راك مخالطة اختي تيشوشو عليك خاصك تقوى  و تصفي نوصيك بالصلاة فوقتها و قراءة اية الكرسي 11 مرة مور كل صلاة و غتفكريني .
و نصيحة متبقايش تسولي على مليكة اولا فلان او علان باش متوقعيش فيما لا يحمد عقباه حيت اهل تقة قلال فزماننا راه لبغاك اولا كان عندك هو غيتواصل معاك و غيبين ليك شنو ديري خليك غادا بحكمة و كوني تقيلة و لفرزق يجيبها ربي مغياخدها ليك حد .
الله يزين الحال اختي

#sidi moussa
ماماك فاش وقفات عليك فالمنام و قالت ليك متمشيش غتسرقي قصدات غتصادفي (صائدي الجواد) حيت السارق البشري لغيكريسيك مغيقدرش حيت هما ملي تيعطيوك زيارة راه تيأمنوا ليك طريق و دارسين ليك امور بحكمة لهذا هما سبق في علمهم انك غتصادفي هادوك لكيسرقو جواد و بالتالي حذروك باش متمشيش الى اجل اخر . تنهضر معاك عن تجربة صادفتهم فسيدي موسى بسلا كيعطيك شي حاجة بمجرد متقبليها  مشا ليك كلشي . متقبلي تا شي حاجة من غير صدقات (خبز حليب ..) شي حاجة اخرة كل واحد يتشارع و يدخل سوق راسو و لقلب عليك عطيه جوابو .

داك شي ليدايرة أنا رآها كتوقف عليا بالبيان معاوناني بزاف مع العلم عمرو مكتاب نديرليها صوابها نهار نويتو توفا الوليد الله ارحمو
أه أخويا كنحس بيهوم معاونيني وديما كيقولولي مباشرة بلي ملك ممخليهومش يوصلوني بالبيان وهوما ليكشفولي على راسهوم ومنعوني من النصابة قالولي لامشيتي نشوهوك

شكرا بزاااااااف كيف مانبهتيني لايعطيك تايغنيك وكيف جاوبتيني الله إكبر بيك أولد الناس

شكرا بزاااااااف كيف مانبهتيني لايعطيك تايغنيك وكيف جاوبتيني الله إكبر بيك أولد الناس

امور عندك واضحة غير نتي تتقلبي على صداع . حاولي مديري تا حاجة الا لطلبوها هما يعني كلشي يكون بالإذن مشي وقتما قالها ليك راسك ازلا نتي باغا تفوبري عليهم حيت داكشي راه اسرار كل حجا عندها وقت و شروط و طلبات مشي غير جي و دير لبغيتي .
مهم خليك على طريق لغادا فيها راك بنتي ليا ملي فوضتي امرك لله و تبتي امورك بدات تتقاد و هما عارفين اش يديرو . غير زيدي قوي راسك بالعبادة و عليك الامان الشريفة .
العفو اللهم امين الالة . الله يبلغ المقصود

أمين يارب الله يسمع منك

الله يرحم الوالدين

الله يرحم الوالدين

الله يجازيك بالخير على النصيحة اللي فمحلها

#sidi moussa# خويا كيفما كاينة مليكة جيلالية كاينة مليكة كناوية ونهار راه في اختلاف علي حسب الخشبة كاين لي كتجيه في الاتنين كاين لي كتجيه الخميس علي حسب

علي الرحب اختي صوفيا #كزاوية#

وأي واحد بغاني ندويليه علي شي موضوع يقد يكمونتي بداكشي لي بغا مرحبا

شكرا خويا يوسف بزاااااااف أنا إمرأة إلى كان ممكن أخويا تهضرلينا على البواب وزيارتو حيت أخويا الواليد الله إرحمو كان شرا واحد القطعة ديال الأرض وهيا زاوية كتزار كانت فيها واحد السيدة مني بناها ماتسكنات وبقينا غير اللور اللور ملي مات نهار العشا فليل وقف عليا الواليد مباشرة لابس الودع ومن موراها وقف عليا ميمون ومعاه عيشة هوما ليحكاولي القصة ديال الوليد وقالولي إلى بغيتي تفكي وراوني عتروس و طبق ومهابتاهوم لواحد الحفرة بكناوة ونا نقوليهوم لا لا والله ماندبح أنا غدا غير نهدي وهو يقولي إوا بيناتنا شرع الله

دازت موراها أيام ونا نزور سيدي رحال بلا نواية وبدات كتفك ليا حياتي بشوية بشوية حتا وقفت عليا زيارة مولاي ابراهيم أنا عمري مشيتلو كيبانلي راجل كحل بحال الخادم وفيديه عتروس مفهمتش واش زعما غدا نتشارع معاه تما حيت كنتسماو حنا ليضالمين ولا شنو وسمحلي بزاااااااف

#sidi mossa# ختي مرحبا اذن الوليد ديالك الله يرحموا كان ولد الكوحل الصعاب ونتي لي هزيتيهم عليه وديك لحفرة راه دسيدي موسي وقفة عليك الدبيحة باش يرطاب معاك

الواليد كان حالو كناوي وكان مخبي علينا حتا مات عاد عرفناه سيدي موسى بحري والواليد كان خديم الكوحل

شوفي من عندي انا مولاي ابراهيم بلاصت الشرع وبلاصت الخبزة فنتي الزنك تعرفي اش بغيتي هو في كيلتا الحالتين غيبقا معاك حيت هو راك مطبوعات بيه فهمتي مهم خاصك دبحي ليه سواء شرع سواء مهدية غير هو راه مغيأديكش ولكن باغي صوابوا باش يتقد معاك

عندك الحق أخويا أنا كانت ضاقت أموري وبغيت نبدل العمل وشي وراق موهيمين بزاااااااف ضاعولي ملي بكيت وشكيت وقفات عليا زيارة بهاد شي ليقولت ليك يمكن تما غادي يتفتح الباب الله إنورك حيت الواليد فحياتو كان عزاوي وكوستو كان واخد سيفتو حيت من مور الوفاة أنا ليهازيت على مالين دارنا ودوك الوراق عائليين ليضاعو

غير واحد الحاجة أخويا بغيت نسولك واش كينين كناوة فمولاي إبراهيم كايدخلو الهدية فحال شكل ديال سيدي علي وشنو كاتكون فالهدية من غير كناوة والعتروس واش كيتباع فمولاي إبراهيم ولا لا

دبحي اختي وردي عليا

اه اختي كاينين تما وكاين لعطروس غير هو باش متقولبيش خاصك شي حد تما كتعرفيه لي بيعليك عطروس حيت راه كيبعيوا بلغش

أنا مكنعرف حد أخويا غدا نمشي فيد الله وصافي تقليد عليهوم شحال تقريبا إلى عندك درايا كيتباع و كناوة بشحال كايدخلو الهدية

أنا مكنعرف حد أخويا غدا نمشي فيد الله وصافي تقليد عليهوم شحال تقريبا إلى عندك درايا كيتباع و كناوة بشحال كايدخلو الهدية

أنا مكنعرف حد أخويا غدا نمشي فيد الله وصافي تقليد عليهوم شحال تقريبا إلى عندك درايا كيتباع و كناوة بشحال كايدخلو الهدية

أنا مكنعرف حد أخويا غدا نمشي فيد الله وصافي تقليد عليهوم شحال تقريبا إلى عندك درايا كيتباع و كناوة بشحال كايدخلو الهدية

غتلقايه رخيص ب500dh بالنسبة لكناوة معرفتش حيت أنا جيلالي

تسليم ليك أخويا الله إنورك وسمحليا بزاااااااف

هانيا اختي راني ولد ميمون مكاوي

واحد السؤال واش تمكن يتلاقاو زوج محلات كبار فخشبة وحدة فحال الحومر والكوحل ويكونوا عندك الباشا حمو مول الكرسي وكزار كناوة كايتالفلي مع ميمون حيت بزوج بيهم كيجيوني فسيفت الوليد نهار كيبغي ضبيحتو كنحلم بيه كيتاصل بيا فالهاتف كيقولي ضغيا راني واقف على الدم كندبحوليه صردي وديال الهادي بنعيسى كيوقف عليا الحولي وجهو أحمر

مرحبا خويا مرحبا بولد الشرفا

حيت أخويا هاد المحلات بزوج قاصحين حيت موروتين يعني ملي نعطي للكوحل صوابهوم غدا نرتاح فحال ليمرتاحة مع الحومر لحال صعيب بزاااااااف أخويا والله ميحاس بيك غير ليبحالك

ختي شي حاجة راسليني علي الوتساب 212658235615

حيت صعيب باش نشرح ليك غير كتابة لازم نشرح ليك صوت

واخا مرحبا خويا يفوت رمضان ونتواصل معاك حيت راك عارف مع هاد الحجر وراجلي كاع معارف بحالي نتواصل معاك يمشي يفهمني غلاط فأول فرصة غدا نتواصل بيك خويا شكرا بزاااااااف الله إكبر بيك

خويا 12 يوسف بغيتك في الخاص الله يسعل عليك هنا غادي نديرليك نداء في قسم من عضو لعضو راني بغيتك ضروووري انا مزاوكا فيك اخوي ضرووري بغيتك

هدشي متنفهمش فيه الله يسسر

أمين أختي الله يسر للجميع

يوسف خديم لجواد كتفهم فالاحلام؟

خويا خديم لجواد حتى انا بغيت نسولك الله ينقي طريقك من الشوك ويحن عليك والتسليم