بخصوص الكارطة مهم جدا

السلام عليكم عندي تساؤلات على الكارطة لي كتفهم تجاوبني عفاكم
انا ملي كتسرح ليا شي وحدة كارطة ماكنعرفش داكشي ايمتا طاري كنلاحظ بلي بعض من الهدرة لي كتقول كأنها واقعة ديك ساعة كتكون مزال بعيدة يعني كطرا والاكين مورا شحال  إذن ما بقيتش عارفة نفرق بين لي طاري ديك الساعة ولي مزال  
و كنلاحظ شحال من مرة تخالط فالناس مثلا قالت ليا فالفال ديالي مع واحد الشخص راه هاد الشخص غيجي لداركوم يخطبك و من بعد شحال جا واحد اخر ماشي هو و تاني قالت ليا فالفال الأم ديالو غادي تشوفيها صدقات ماشي هي شفت الأم ديال هاد الشخص لي جا لدارنا يعني فهمت بلي كانت غالطة فالشخص و كتهدر على وحد اخر من غير لي كندير معاه الفال 
لي كتفهم تجاوبني على هاد أسئلة و تشرح ليا الله يسهل عليكم ما صعاب
أولا واش الكارطة تقدر تبان فيها شي حاجة واقعة و هي مزال ما وقعات أولا وقعات قبل يعني ماشي فداك الوقت كيما طالع في الكارطة ؟
تانيا باش نعرفو اشمن وقت داكشي لي كيطلع فالكارطة يعني ايمتا غيوقع واش ديك الساعة ولا منبعد ؟
ثالثا واش ممكن يتغالطو ليك الأشخاص لي فالكارطة يعني داكشي لي طلع يكون منطابق على شخص اخر من غير لي دايرا معاه الفال  و كيفاش نفرق بينهم ؟
رابعا واش اي حاجة تقالت ليك فالكارطة غادي توقع أولا ممكن ماتوقعش يعني واش كلها أكيدة او لا ؟ 
البنات لي عندهم نفس الأسئلة أو أسئلة اخرين كتبوهم باش لي جاوبات تجاوب كلشي 
والله يسهل عليكم كاملين و ينصركم على من عادكم