شرحو ليا هاد الحلم هالعار

السلام عليكم غنطول عليكم شوي المهم حلمت براسي مشيت لواحد المجمع باش نسهر و لقيت راجل كبير لابس جلالة كحلة و طاقية كحلة عينيه كبار و مرا كبيرة حاطها قدامها اللوز بقيت نشوف فداك الراجل و جاتني البكية هو يقول ليا فيك تمانية الجنون و المرا قالت ليه عندها واحد طيار من بعد قالت ليا كيدي صباطك شدات عصا ضربتني لرجلي اليمني هي تقولي راجلك باغي غير ينعس معاك و راكي فرحانة و ضربتني على رجلي اليسرى و هي تقولي شكون هما جوادك قلت ليها انا من ابني شكدال و قالو لي عندي الهواوي مول الشمع هي تقولي الا ما جبتيش العسل ديال الهواوي راجلك غادي يذخل الحبس.
و مرا أخرى حلمت راسي مشيت لشوافة و هيا تقولي نتي غادية تهزي الكارطة و لكن حتى نبخرك عافاكم قولو لي اش هاد شي الله يرحم الوالدين.

قالت عسل الهواوية

خفت بزاف والله ما بقيت كنعس و شريت العسل لبارح معرفتش كندير ليه الله يرحم ليك الوالدين

اختي عمرني درت شي حاجة انا فبلاد الغربة و كندير رقية كنطيح والله حتى بغيت نهبل دابا هاد العسل كندير ليه. حياتي تعكست الخدمة كليت منها الفلوس ما متبقاش عندي واخة معرت كندير ليها

الله يفرحك و يخليك ديما فرحانة والله ما نكذب عليك وليت غير كالسة فالدار حسيت بلي كلشي تعكس ليا الله يدير شي تاويل ديال الخير

الرقية كنبداها سيمانة كنمرض كنولي بحال شي هبيلة نعاس ما كنعسش الفيحل ما عندناش هنا حتى نمشي للمغرب انشاالله والله ما بقيت عرفت فين نعطي راسي السحر و التوكال و هاد شي بزاف ولكن حمدت ربي

والله عندك الصح اختي ربي كبير تهديت كاست من الخدمة ولادي ما بقيت قادة عليهم الفلوس لا ذخلت كطير.... الحمد لله يا ربي غادية نرجع ندير الرقية و ندير راسي مزيان ربي يفاجيها على الجميع

آمين يا ربي خاصني نلقى شي راقي مزيان و نخوي راسي البارح تبخرت بالشيح و السانوج ما نعست باينة نتركل