راجلي كيخوني وأنا السبب رشدوني الله يجازيكم بالخير

السلام وعليكم
أنا مزوجة عن حب الحمد لله وعلاقتنا كانت طويلة لكن الظروف خلاتنا منتجمعوش فدار وحدة وباش نكريو شي دار و... بغينا نصبرو ونستتمرو هدوك الفلوس لمستقبلنا بالهجرة إن شاء الله، لكن عايشين الحمد لله مزيان كنسافرو كنخرجو كنمشي مرات عندهم لدارهم مرات هو كيجي عندنا لدارنا، وليدينا مساندينا ومعاونينا ماديا ومعنويا الحمد لله
المشكل الكبير للي فحياتي هو أنا والزوج ديالي مكينش الجنس بسبب مشكلتي مع التشنج المهبلي يعني فحال مصاحبين ( ممجموعينش فدار وحدة والجنس مكاينش ) فاش كنبغيو نجربو ضروري نسافرو باش منتحرجوش قدام العائلة وللي مرت بنفس حالتي غاذي تحس بيا كنتسد كنتمنى أولا ترشدوني شنو ندير أنا كنت متهاونة حتى حسيت بروكلي مبقاش باغي يجرب معايا كينعس مبقاش كيهضر على هذ الموضوع واحد النهار بالصدفة لقيت بريزيرفاتيف فالسيارة عندو يعني كيخوني وأنا كان كيسحابلي رآه صابر عليا وهو ممقصرش برا
أنا بقيت ساكتة ماعاودت لا الأهل ديالي على مشكلتي الجنسية لا والو ومن بعد مابحث فهذ الموضوع لقيت ناس كتنصح بسيكسولوغ خديت موعد وقبل قلت نحط مشكلتي باش تدعيو معايا وتنصحوني وقولولي شنو ندير فموضوع الخيانة وشكرا على تفاعلكم

ينقل للقسم المناسب

ربي يشوف من حالك اختي
الان لا تفكري في هذا الأمر و تزييدي الضغط على نفسك
لنعرف انه مشكل نفسي و لازم تباشريه و حاولي ترتاحي شوية
و حسبي نفسك يلا اتزوجي
لأنه ليس من السوي كل واحد عايش فمكان...
القرب هو ما يوطد العلاقة
المهم حبيبتي لازم اخصائي نفسي
و اياك و لوم نفسك فقط العلاقة لها جانبين الرجل و المرأة
و لازم كل واحد يفكر في علاقته مع الشخص قبل التفكير في الأهداف بعد العلاقة لأن العلاقة هي الأساس ،
و كل الرجال مثل بعض فلا يحزنك ذالك حبيبتي
ان شاء الله تبداو صفحة جديدة و تجمعو تحت سقف واحد
اه ما قلبتيش ليكون عندك ربط او تقاف معرفتش آش كيسموه حاولي تبحثي في الموضوع ان لم يفدك الاخصائي النفسي

اه نسيت ننبهك حبيبتي
كوني تعملي الأولوية للعلاقة و تجمعو في بيت واحد
قبل التفكير في الهجرة لكي لا يبقى ذالك الفراغ
الذي قد يغير من طبعه و يبدأ بالنظر اليك على انك شريكة مشاريع
و ليس زوجة بعض الأمور التي نراها عادية
ابدا ليست بالعادية و تضع المرأة في الصف الاضعف
و ربي يفرحك اختي

شكرا لكل وحدة فيكم على الرد وشكرا لهذ المنتدى للي خلاني نحط مشكلتي وتشاركوني أرائكم فيها وتوجهوني كنتمنى منكم تدعيو معايا نتفك ونكون كباقي النساء المتزوجات كنعيش حياة زوجية طبيعية

تهلاي فراسك

وقع لمراتي هاد المشكل فالأول و تجاوزناه بشوية بشوية
المشكل كان عندها أنها كانت كتزير و كتشنج بسبب التوتر و الخلعة
خودي مغنيزيوم أو شي حاجة مضادة للتوتر كترخي و تحكمي فالنفسية ديالك 
و راجلك قبل الممارسة يحط على القضيب ديالو Lubrifiant شريوه من الفرماصيان و لا البارافارماصي
و الله يفرجها عليكم