مسيمنات بالكفتة والبصل

من طرف **تميرة ست الحسن** 30/3/2021, 14:20

مقادير العجين
زوج زلايف دقيق ابيض
زلافة وحدة سميدة الناعمة جدا اکسترا فاین
ملعقة كبيرة حليب بودرة
ملعقة ك سكر
ربع ملعقة صغيرة خميرة الخبز اليابسة
ملعقة صغيرة معامراش خميرة الحلويات ملح
والماء دافيء للعجن کنعجن العجين مزيان كنقسمو کوریات کانطلق عجينة المسمن بالزيت وكنرشها شوية بالزبدة انا كنحيد ليها الماء كايجي لمسمن مورق ومقرمش ورطب وكنحط الحشوة فالوسط
نطوي لمسمن عادي طوية الاخيرة كنردها التحت باش متخرج الحشوة من العجين وكنحطهم على ورق الطهي عليه کنکرص العجين
کيبقى محافظ على الشكل والعجين مكيرجعش کیبقی فبلاصتو ههه
الحشوة استعملت
زوج بصلات متوسطين شحرتهم مزياان في الزيت من بعد ضفت الكفتة(ممكن إستبدال الكفتة بالشحمة) ملح فلفل أسود فلفل احمر حلو والخرقوم قزبرة يابسة واربيع شوية شوية من الحاجة الكفتة مطيبوهاش بزاف غير يتغير اللون صافي غاتكمل طياب مع لمسن باش الكفتة ماتجيش ناشفة وتقطع ليكم العجين
بالنسبة لطياب نار تكون مهيلة كنطيبهم في لبلاصة باش میخمرش وتكملو دغيا بالصحة والراحة.