كاطو مالح...

نحتاجو 100غ زبدة لينة بحرارة المطبخ

معلقة كبيرة زيت زيتون

2معالق كبار حليب نيدو غبرة

2فرماجات

معلقة صغيرة موطارد

معلقة صغيرة هريسة انا درت اكتر على حسب ذوقكم

جوج معالق كبار دانون طبيعي هي نصف علبة

1بيضة

معلقة صغيرة سكر

نص معلقة صغيرة خميرة حمرا

وزلافة تقريبا من الفواكه الجافة المالحة مهرمشين رقيق طبعا اللي متوفر عندكم انا درت لوز وكاوكاو وكاجو

بياض بيضة باش ندهنو

والدقيق تقريبا 350غ داكشي اللي خدات ليا بحال الاخت حنان نفس لكمية

كنخدمو زبدة مع لفرماج كنزيد معلقة دزيت والبيضة ونخلط كلشي مزيان ثم نزيد الحليب غبرة ولموطارد ولهريسة ودانون طبيعي ونص معلقة صغيرة ملح والسكر ثم الخميرة والدقيق نحصلو على عجين لين وملس كنغطيه بالبلاستيك الغذائي وندخلو للتلاجة على الاقل نص ساعة من بعد كنسرح بالدلاك مابين جوج بلاستيكات ونقطعو بالجرارة على شكر مستطيلات طوال ومتساوية وندهنهم ببياض البيض ونرش بالفواكه المهرمشين اللي وجدنا ونضغطو بيدينا مزيان باش ايثبتو وندخلهم للفرن ايطيبو ويتحمرو مزيان وللاشارة شحال مسرحتو العجين رقيق افضل باش ايجيو مقرمشين وهاهما واجدين







منقول للافادة

مشكوورة حبيبتي

حلاوة روح كتب:مشكوورة حبيبتي

العفو حبيبتي

تسلميلي حبيبتي فدوش

يعطيك الصحة تمورتي 
زوينة و مقرمشة باينة 
مع التاي تحمق هههههههه
كنتخيل بزاف ههههههههههه

غ~ج~ر~ي~ة كتب:يعطيك الصحة تمورتي 
زوينة و مقرمشة باينة 
مع التاي تحمق هههههههه
كنتخيل بزاف ههههههههههه

صح حبيبتي كتجي مع اتاي زووينة بززااف هههههههه
تسلميلي