أسرار نجاح صابلي

أسرار نجاح صابلي
⁩.
.
.
1)-زبدة / زيت : * يجب احترام المقادير :
الكيلة لي فيها : 250 غ زبدة تحتاج :125 غ سكر + صفار بيضة +بيضةكاملة + نصف باكي خميرة+ فاني+ فرينة .
الكيلة لي فيها : 500 غ زبدة ، تحتاج : 250غ سكر + 2-3 صفار + 2 بيضة كاملة+ باكي خميرة+ فرينة.
عجينة الصابلي عندها مقادير مضبوطة حيث :
*كمية المرغرين تكون نصف كمية الفرينة و كمية السكر هي نص كمية المرغرين.
يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير تقريبية وعمومية
ممكن تزيدي و لا تنقصي شوية الفرينة على حساب واش تاكلك العجينة بصح هذا هو المبدأ تاع الصابلي
2)- البيض...في القاطو صفار البيض يهشش العجينة و البياض ييبسها
علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كاملة... او تستغناي علا البياض نهائيا
3)- المايزينة.... تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تجي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك
4)- الزيت.... حنونة اذا زدتي شوية زيت رح يجيك الصابلي محمر، بحيث:
الكيلة تاع 500 غ زبدة ضيفي في العجينة نص كأس زيت.
الكيلة تاع 250 غ زبدة ضيفي في العجينة 2 مغارف زيت.
5)- السكر.. حبيبتي استعملي السكر الرطب ڨلاصي أحسن وافضل , لان السكر العادي يبس العجينة ⁦⁩
.
6)- الاضافات:
نضيف في صابلي تاعي وش نحب:

زبيب مفور، حلقوم مقطع صغير، كاوكاو ، جلجلان، مكسرات علا العموم،بودرة كاكاو وملونات غذائية، قهوة ، نيسكافيه، شامية ، عسل....الخ

غ~ج~ر~ي~ة كتب:تسلم دياتك غاليتي 
يعطيك الصحة..

فدوى كتب:شكرآ  على النصائح

حلاوة روح كتب:شكرا حبيبتي

تميرة ست الحسن كتب:شكرا حبيبتي

صولجان كتب:

تميرة ست الحسن كتب:شكرا حبيبتي

العفو غاليتي

تميرة ست الحسن كتب:

صولجان كتب:

تميرة ست الحسن كتب:شكرا حبيبتي

العفو غاليتي