قلبي محروق

من طرف **Elo** 30/9/2021, 21:42

سلام البنات عارفة الخطأ من الصح ولكن انا بغيت نخوي قلبي عليكم لانني معنديش شي حد لنحكي ليه ونعاود ليه لفي قلبي رغم ان هاد المنتدى سبحان الله هو لكان سندي الحيد في 2012 ملي كان وقع ليا المشكل وهاانا تنطيع في نفس الخطأ ومع نفس الشخص لكان جرحني عارفة غنطول ولكن بغيت نفتح قلبي وخصوصا تميرة مجهولة لباقا عاقلة عليها من الأعضاء القدام
كنت تتعرف واحد الشخص علاقتنا دامت اربع سنين كنا مخطين لبزاف الحوايج لاسف خلاني في نصف الطريق وامشا مع وحدا اخرى الصراحة مرضت بزاف لدرجة انني بقيت سنين وانا نتسني يرجع ليا مع العلم كان تيرجع وتيمشي يعني كان عندي امل انه غيرجع حيت كنت تنبغيه بجنون كاع الفقه والشوافات لكانو حاطين في هاد المنتدى مشيت ليهم كيف الحمقة وخا كان تنصب عليا الاناني ديك الوقيتة مكنت تنعرف تاشناهية التفوسيخة المهم بقيت تنتسني فيه سنين حتى صافي غبر وانا ياست من داك الوهم المهم جا النصيب ديالي قلت غنتزوج ونستر راسي وانسى الماضي رغم انه كان صعب بزاف المهم تزوجت واحاول نعطي لحياتي معنى ونتخطي الماضي تزوجت الحمدلله قلت غندير وليداتي ونسي الماضي الايام الأولى كان الزوج ديالي مزيان شوية بشوية بدا تيَتبين انه تيتعصب على اقل حاجة قلت ماشي مشكل بداية الزواج راه هكدا المهم صبرت تشوية السيد ولا كاع متيعتبرني واش كاينة في حياتو تياخد القرارات بوحدو تيقولو انتي غير تسمعي المهم عشنا في المغرب سنتين مجابش الله الدراري قالي ماشي مشكل غنمشيو نستقرو في فرنسا وتما تبعي على الولاد المهم مكنتش بغا نخوي البلاد ولكن اش غندير جينا لهاد فرنسا وهنا حيتي غتقلب عوتاني الراجل تقلب ١٠٠ درجة ولا واعر لدرجة انني وليت تناعني من اكتأب والبعد على الحباب من بعد اكتشفت انه نرجسي وعرفت هادالشي غير مؤخرا وملي تنهدر مع دارنا تيقولو ليا صبري انا ربي لعالم راه منعني على كلشي حدي دارنا مبقيتيش شفتهتم وماما تقولي صبري واش بغيتي طلقي حتى قضيت الولاد مبقاش سهل فيها الله رغم انني معندي والو المهم وليت عايشة ميتة وليت تنحس براسي ميتة بديت تنفكر في الطلاق الراجل قالي الي مشيتي نقتل راسي وانا ولت خايفة من تعذيب الضمير ولكن عاد عرفت ان النرجسي هكدا
في 2021 يوليوز جاني ميساج في الفيسبوك حيت كان جديد ومديراش سميتي قالي واش انتي فلانة انا بالفرحة والخلعة جاوبت اش بغيتي باش عرفتيني كان حبيبي الأول لكنت نموت عليه يقولي طيحي في البحر نطيح كنت غير نشوفو تنسى كولشي حتى راسي
منكدبش عليكم مبقيتيش هدرت معاه حتى دازت واحد جوج سيمانات وانا نجاوبو قالي توحشتك وندمت على كولشي والضمير ديالي تيانبي (لانه تعذبت بزاف بعد فراقنا) المهم بقيت تنعاتبو ونبكي تفكرت كاع الذكريات وبقينا تنهضرو مرة مرة وتلومو على كاع داك الشي حيت ديك الوقية مكانتش عندي الشجاعة كنت بغاه غير يرجع المهم سواني قالي راني قلبت عليك في الخدمة ولكن ملقيتكش واش تحولتي عاد قلت ليه راني تزوجت وسافرت وتاهو سافر لفرنسا ولكن كنا بعادين ب الف كيلومتر ما يقارب 11 ساعة ديال الطريق منكدبش عيكم عارفة انني اول خطأ درت انني هضرت معاه كلشي كان قوا مني متنعطيش مبرر ولكن عارفة واسي خاطءة وجيت نخوي عليكم قلبي هنا عارفكم مغتلمونيش لفيا مكفيني
بشوية بشوية ولتنا تنهضرو كل ساعة كل نهار ولا متيفارقنيش تالواحد النهار قالي صافي طلقت وصافي وينا تنهضرو على المستقبل وهو لعطاني محامية باش تعاوني على الطلاق رغم ان الإجراءات باقا طويلة قرر يجي عندي فين ساكنة جا عندي وتلقينا غير تلاتة سوايع ومشيت بحالي منعودش ليكم الاحساس ديالي البكي والاوم كلشي تجمع ليا نفس المشاعر من ديك الوقيتة ولا يجي عندي مرة في الشهر رغم المسافة لتيضرب تنوجدو المستقبل منكدبش عليكم ملي شفتو نسيت كولشي ولينا نهضرو كل دقيقة رغم انه متقبلش انني كنت تلومو على الماضي درتي وفعلتي راه واخا نسامح راه منستتش مكانش تيعجبو الحال المهم هاد الايام مرض بالبرستات وجاه حصر البول يعني مرض ملي تنهضرو تنحس بيه كلامو قل تقلت قلي شنو واقع قالي انا غنبعد عليك لحقاش راك شتى حالتي كيف دايرة يعني مرة اخري تيتخلي عليا وانا قربت نطلق ولكن ربي لعالم بيا راني في حالة نفسية صعيبة تخاليو لقيت راسي بوحدي تخليني في نص الطريق المشكل لعندني انني نتخطي كولشي الاي جرج القلب مرتين من نفس الشخص جاتني صعيبة محرني تنتعدب بزاففففف

من طرف **انطهروش** 30/9/2021, 22:29

من طرف **Elo** 30/9/2021, 22:33

انطهروش شكرا على الاهتمام

من طرف **لعنة عينان** 30/9/2021, 22:42

الله يعينك حبيبتي

من طرف **Elo** 30/9/2021, 22:45

لعنة عينان كتب:الله يعينك حبيبتي

امين اختي ربي يخليك مكرهتش شي حد يقولي اش ندير

من طرف **انطهروش** 30/9/2021, 22:49

Elo كتب:انطهروش شكرا على الاهتمام

تحت امرك

من طرف **تميرة ست الحسن** 30/9/2021, 22:53

اش غنقوليك احبيبتي
كيما قلتي راكي غااالطة و لكن لي فيك مكفيك بلا ما نزيديو نلوموك على والوووو
انا فبلاصتك واخا يرجع و يبوس التراب لي كنمشي عليه ما نرجع ليه
حيت لي طبعو الغدر صعيييب يتغير
لي غدر مرة غادي يغدر مرااااات
و انتي تزوجتي و درتي حياتك واخا يكون الراجل كيما بغى يكون مايستاهل تخونيه على و واحد غدار
المهم لي غنقوليك هو تمسحي نمرتو و تصاورو و اي حاجة عندها علاقة به ارميها من حياتك
و من تبغي تحني..تفكري شنو دار فيك زوج مرااات
و راجلك ايلا لقيتي ماتصبري معاه...حاولي تصلحي الامور ايلا كنتي مازالا تقدري تعاشريه
شفتي راسك وصلتو للطلاق صافي..بداي حياة جديدة و خوي كاع فرنسا..
وهو الله يشافيه بعيييييييييد عليك

من طرف **غزل** 30/9/2021, 23:09

شوفي احبيبة رجال عمرهم ما كيتبدلو كلهم بحال بحال ...

لله يعنيك

كيما قالتليك تمورة مسحي تصاور وكلشي ديالو و بدلي داك الفايس قاع حيت ايبقا ارجع اصيفط ليك تاني وتاني وايلا ماكنتيش مرتاحة معا رجلك بلاش منو بداي ف شي مدينة خرى حياة جديدة ... ولله يدير ليك لي فيها ناويل دالخير

من طرف **Elo** 30/9/2021, 23:13

غزل كتب:شوفي احبيبة رجال عمرهم ما كيتبدلو كلهم بحال بحال ...

لله يعنيك

كيما قالتليك تمورة مسحي تصاور وكلشي ديالو و بدلي داك الفايس قاع حيت ايبقا ارجع اصيفط ليك تاني وتاني وايلا ماكنتيش مرتاحة معا رجلك بلاش منو بداي ف شي مدينة خرى حياة جديدة ... ولله يدير ليك لي فيها ناويل دالخير

لهلا يخطيكم عليا ترتاح نهضر هنا تنقدر نخرج ليفي قلبي انشاء الله نديرد بكلامك وغنبدل النمرة ونسد الفيسبوك في خطرة وربي يعني متنحملش راشي على ضعف قلبي قدام هاد الراجل لدلني ولكن نستاهل لزهر في الزواج ولا الحب راني نية بلا قياس

من طرف **Elo** 30/9/2021, 23:17

تميرة ست الحسن كتب:اش غنقوليك احبيبتي
كيما قلتي راكي غااالطة و لكن لي فيك مكفيك بلا ما نزيديو نلوموك على والوووو
انا فبلاصتك واخا يرجع و يبوس التراب لي كنمشي عليه ما نرجع ليه
حيت لي طبعو الغدر صعيييب يتغير
لي غدر مرة غادي يغدر مرااااات
متنتعلمش من أخطأي اختي راني ضعيفة قدام هاد الشخص ولكن نستاهل الله ينعل الحب وسنينو دللت راسي تالهاد الدرجة كرهت راسي شكرا ليكم بزاف وراني غيبة ونستاهل كتر لتقت اما راجلي دمرني بزاف لدرجة مبقيتيش نقدر نكمل معاه دبا خاصني ناخد قراراتي بوحدي بلل من خل طرف تالت
و انتي تزوجتي و درتي حياتك واخا يكون الراجل كيما بغى يكون مايستاهل تخونيه على و واحد غدار
المهم لي غنقوليك هو تمسحي نمرتو و تصاورو و اي حاجة عندها علاقة به ارميها من حياتك
و من تبغي تحني..تفكري شنو دار فيك زوج مرااات
و راجلك ايلا لقيتي ماتصبري معاه...حاولي تصلحي الامور ايلا كنتي مازالا تقدري تعاشريه
شفتي راسك وصلتو للطلاق صافي..بداي حياة جديدة و خوي كاع فرنسا..
وهو الله يشافيه بعيييييييييد عليك

من طرف **Elo** 30/9/2021, 23:22

انطهروش كتب:
Elo كتب:انطهروش شكرا على الاهتمام
تحت امرك

مكرهتش وجهة نضرك بأنك راجل

من طرف **غزل** 30/9/2021, 23:32

Elo كتب:
غزل كتب:شوفي احبيبة رجال عمرهم ما كيتبدلو كلهم بحال بحال ...

لله يعنيك

كيما قالتليك تمورة مسحي تصاور وكلشي ديالو و بدلي داك الفايس قاع حيت ايبقا ارجع اصيفط ليك تاني وتاني وايلا ماكنتيش مرتاحة معا رجلك بلاش منو بداي ف شي مدينة خرى حياة جديدة ... ولله يدير ليك لي فيها ناويل دالخير
لهلا يخطيكم عليا ترتاح نهضر هنا تنقدر نخرج ليفي قلبي انشاء الله نديرد بكلامك وغنبدل النمرة ونسد الفيسبوك في خطرة وربي يعني متنحملش راشي على ضعف قلبي قدام هاد الراجل لدلني ولكن نستاهل لزهر في الزواج ولا الحب راني نية بلا قياس

حبيبتي اكيد حنا هنا دايما موجودين نسمعك ونعاونك وداكشي لي اديري اولله شوفي راسك نتي فاش مرتاحة ماغديش تعيشي 1000عام العمر دغيا كيجري خرجي وضحكي و فوجي ولبسي قما تباقي مفقسة وما عندي زهر , نتي ديري لراسك فوراص باش ايجي زهرك وراه ايجي ايجي مهما يطول زمان

من طرف **Elo** 30/9/2021, 23:57

غزل كتب:
Elo كتب:
غزل كتب:شوفي احبيبة رجال عمرهم ما كيتبدلو كلهم بحال بحال ...

لله يعنيك

كيما قالتليك تمورة مسحي تصاور وكلشي ديالو و بدلي داك الفايس قاع حيت ايبقا ارجع اصيفط ليك تاني وتاني وايلا ماكنتيش مرتاحة معا رجلك بلاش منو بداي ف شي مدينة خرى حياة جديدة ... ولله يدير ليك لي فيها ناويل دالخير
لهلا يخطيكم عليا ترتاح نهضر هنا تنقدر نخرج ليفي قلبي انشاء الله نديرد بكلامك وغنبدل النمرة ونسد الفيسبوك في خطرة وربي يعني متنحملش راشي على ضعف قلبي قدام هاد الراجل لدلني ولكن نستاهل لزهر في الزواج ولا الحب راني نية بلا قياس
حبيبتي اكيد حنا هنا دايما موجودين نسمعك ونعاونك وداكشي لي اديري اولله شوفي راسك نتي فاش مرتاحة ماغديش تعيشي 1000عام العمر دغيا كيجري خرجي وضحكي و فوجي ولبسي قما تباقي مفقسة وما عندي زهر , نتي ديري لراسك فوراص باش ايجي زهرك وراه ايجي ايجي مهما يطول زمان

تباركالله عليك وعلى طاقتك الايجابية اختي عندك الحق اختي راه تنعيشو مرة وحدة وانشا الله نوقف على رجليا راه عارفة راسي خاصني الوقت باش نتخطي هاد الشي والمشكلة هاد المرة جاتني الدقة وانا في الغربة هنا اختي لا صحبات ولا حنين ولا رحيم مني لبوراس

من طرف **asmarita** 1/10/2021, 00:54

تميرة ست الحسن كتب:اش غنقوليك احبيبتي
كيما قلتي راكي غااالطة و لكن لي فيك مكفيك بلا ما نزيديو نلوموك على والوووو
انا فبلاصتك واخا يرجع و يبوس التراب لي كنمشي عليه ما نرجع ليه
حيت لي طبعو الغدر صعيييب يتغير
لي غدر مرة غادي يغدر مرااااات
و انتي تزوجتي و درتي حياتك واخا يكون الراجل كيما بغى يكون مايستاهل تخونيه على و واحد غدار
المهم لي غنقوليك هو تمسحي نمرتو و تصاورو و اي حاجة عندها علاقة به ارميها من حياتك
و من تبغي تحني..تفكري شنو دار فيك زوج مرااات
و راجلك ايلا لقيتي ماتصبري معاه...حاولي تصلحي الامور ايلا كنتي مازالا تقدري تعاشريه
شفتي راسك وصلتو للطلاق صافي..بداي حياة جديدة و خوي كاع فرنسا..
وهو الله يشافيه بعيييييييييد عليك

نفس الراى.. الله يصاوبلك اختي

من طرف **ام الغيث** 1/10/2021, 04:59

الله يقويك نفس راي تميرة الغدار تيبقى غدار غا نسايه وراجلك إلى مبانش لك البلان فيه ومافيك متصبري شري راحتك وبداي بداية جديدة و ربي متيسد باب حتى تيحل بيبان تحولي لمدينة أخرى وبداي أختي بحال يالله جيتي تما والله يسرليك

من طرف **asmarita** 1/10/2021, 21:06

ام الغيث كتب:الله يقويك نفس راي تميرة الغدار تيبقى غدار غا نسايه وراجلك إلى مبانش لك البلان فيه ومافيك متصبري شري راحتك وبداي بداية جديدة و ربي متيسد باب حتى تيحل بيبان تحولي لمدينة أخرى وبداي أختي بحال يالله جيتي تما والله يسرليك

🧡🧡🧡🧡

من طرف **Elo** 1/10/2021, 21:27

asmarita كتب:
ام الغيث كتب:الله يقويك نفس راي تميرة الغدار تيبقى غدار غا نسايه وراجلك إلى مبانش لك البلان فيه ومافيك متصبري شري راحتك وبداي بداية جديدة و ربي متيسد باب حتى تيحل بيبان تحولي لمدينة أخرى وبداي أختي بحال يالله جيتي تما والله يسرليك

🧡🧡🧡🧡

شكرا

من طرف **صولجان** 2/10/2021, 00:09

باختصار اختي في الله
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ
صفي روحك الداخلية مع الله سبحانه وتعالى تجدي طريق السعادة
الله يجبر بخاطرك ويفرحك باذن الله ويكتبلك الخير وين ماكان اختي :blue_heart:

قلبي محروق

قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

رد: قلبي محروق

والأجمل من الحب ان توفي ب الوعد