اللحم بالبرقوق و المشماش والسفرجل

من طرف **تميرة ست الحسن** 25/10/2021, 20:16

كيلو اللحم - بصلة مشلظة - 2 ثومات محكوكین - ملح حسب الذوق . ابزار - سکنجبیر - نصف ملعقة المروزية - شوية الزعفران شعرة - نصف كاس الزيت الرومية مع الزيت البلدية - قرفة - شوية الربيع مقطع - البرقوق و المشماش و البيض مسلوق لتزيين

نشرمل اللحم مع الربيع و العطرية و يبقى يشرب لمدة ساعتين ثم نضعه فوق النار ليطهى من بعد نضيف البصلة مشلضة ويتقلى مزيان ثم نزيدو كاس الماء و نخليو اللحم يطيب.

نغسلو البرقوق و المشماش و نضعه في كاسرولة يغلاو ، نصفيوهم و نضيف لهم المرقة من اللحم و نضيف القرفة و سكر و نخليوه يتعسل

طريقتي في تحضير السفرجل: يتغسل مزيان ونقسموه على أربعة ويبقى من الداخل ويشرح ويوضع فالكوكوت مع الزيت والابزار والخرقوم القليل من السكنجبير والملح ونسدو والقليل من الماء ونسدو عليه شوية ثم نعسلوه بالسكر والقرفة

يقدم اللحم مزين بالبرقوق و المشماش و السفرجل و ممكن إضافة البيض مسلوق