نصائح مطبخية لكل هيمونية

نصائح مطبخية لكل هيمونية  
1:قبل ماتبداي الطياب سمي بسم بالله ونوي الماكلة لي راح طيبيها وحبيها
2: سر المرقة باه تجيك بنينه هي ترابي البصل وتقليه مليح مع اللحم والطماطم ومن بعد تزيدي الماء الساخن ماشي ترمي كلشي مع بعض
3:باش البقول الجافة تطيب بسرعة وتجي هايلة متديريش الطماطم
فالاول خلي المرقة تطيب وضيفيلها الطماطم وخليها تغلي شوية
4:باش تطيب الحمص او اللوبيا مليح بيتيها فالماء ماتزيديلها ني خميرة كيميائية ني بيكاربونات
5:العدس اذا طابلك بزاف نعطيك فكرة ارحيه و حوليه حريرة راح يجيك يهبل
6:الحوايج المقلية كالشيفلور البوراك السمك....الخ دائما حطي معاهم القارص
7:كي تطيبي الارز حركيه بالفرشيطة متحركيهش بالمغرف هكذا باه مايتفتتش ويشد القوام تاعو
8:الكسكس رشيه بالماء والزيت ماشي بالماء وحدو
9:قبل ماتحطي الغراتان فالمول ننصحك ادهني المول بالزبدة مهمها كان نوع الغراتان
10:اذا طيبتي المرقة وجاتك خفيفة ديري مغرف فارينة ولامايزينة فالماء وخلطيها فالطياب راح تخثار المرقة وعن تجربة
11:تحبي يجيك الڨريوش بنين وخفيف زيديلو مغرف صغيرة مايزينة
12:باش يجيك طيابك بنين كل مرقة خصيلها لعقاقر تاوعها مثلا:الدجاج يحب الزنجبيل الجلبانة تحب القرفة والبصل والكركم وراس الحانوت ،اللوبيا ماشطو تحب البصل والزيت ولا السمن والقرفة ،الزيتون يحب الرند ،اللحم والمرقا الحمرا تحب الكمون والثوم والحشايش، الحريرة تحب الكرافس ...
13:كي تحفري البطاطا تاع الدولمة قبل ماديرو الحشو ديرو داخلها الملح باه مجيش سامطة
14:باش جيك الرشتة العاصمية بنينة اسكرفجي حبة لفت مع البصل للتقلية
15 :باش يجيك اللحم مرحي تاع المثوم طري زيديلو شوية فريك
16:كي تحطي اللوبيا تتشمخ حطي معاها حبة بطاطا هكذا باه مايحكموكش لا غازات كوليها بلاصوص حمرة وبصحتك خصوصا صحاب الكولون محرومين منها مساكن
17:باش يجيك الدجاج بنين كيما تاع الطباخين دوزنيه بخلطة سبيسيال تاعو تتباع عند العشاب ومتنسايش الثوم مرحي
18:اذا كان اللحم شارف ومحبش يطيب حطي حبة تمر ومتنسايش تنحيها كي يطيب
19:لازالة روائح الاكل من الفرن بعد الطبخ خصوصا السمك ضعي نصف ليمونة تسمتس الروائح
20:حلي عجينة البيتزا والمعجنات دائما بالنشا بدل الفرينة تجي خفيفة
21: باه تنحي حموضة الطماطم ضعي ملعقة سكر 

منقول للافاده

تميرة ست الحسن كتب:الله يعطيك الصحة صولا

حلاوة روح كتب:تسبمي حبيبتي

عـِــطُـر آلُــحـًـب كتب:يسلمووو حبيبتي