السفة مسقية بالدجاج والدغميرة

من طرف **تميرة ست الحسن** 28/12/2021, 17:44

لتحضير الدجاج بالدغميرة:
دجاجة وزن کیلو ونصف
فصين ثوم مفروم
ثلاث ملاعق ربيع مفروم ناعم
ربع حامض مصير مقطع
بصلتين مقطعين رقيق
نصف كأس مزيج زيت الزيتون ونباتي
ملح، ابزار ، سكينجبير، خرقوم ، ملون غدائي او زعفران شعرة ، القليل
من السمن ، القليل من القرفة
فإناء نحطو الثوابل الثوم الربيع ونصف الكمية من الزيت المصير والسمن نخلطو التتبيلة مزيان و نشرملو الدجاج مزيان ممكن نخليوه ليلة كاملة فالثلاجة . فطنجرة نديرو البصلة والدجاج والباقي ديال
الزيت نقلیو الدجاج مزيان نمرقو بماء سخون ونخليوه يطيب ملي اطيب الدجاج نهزوه من الطنجرة ونبقاو نحركو حتى يتبخر الماء كلو ودغمر لينا المريقة. الدجاج ندهنوه بالزبدة وندخلوه للفرن اتحمر.
التحضير السفة:
کیلو شعرية سفة
ثلاث ملاعق زبدة
نصف كأس زبیب مسلوق فالماء
ربع كأس زيت
ملح
كمية من اللوز او الكاوكاو المحمر ومهرمش للتقديم
قرفة وسكر كلاصي للتقديم
نحطو الشعرية فاناء ندهنوها بالزيت مزيان نحطوها تفور المرة الاولى مدة 20 دقيقة نرجوها للاناء فاش کنخدمو بلاما نحيدوها من الكسكاس نکبو عليها الماء المغلي لكان فالطنجرة ديال البرمة(couscoussiere) نخليوها زوج دقايق تقطر نرجع الماء للبرمة ونحطو السفة فالاناء نحلوها مزيان ونخليوها 10دقائق تنشف
ونرجوها تفور . هاد العملية كنعاودوها زوج مرات طيب 20دقيقة
نصبو الماء المغلي نخليوها تنشف وترجع تفور فالمرة الثانية نزيدو الملح ونرجوعا تفور للمرة الأخير (الی حسیتو بلي السفة مزال محتاجا تزيد تفويرة ممكن نزيدوها بلاما نكبو عليها الماء مغلي باش
متتعجنش). بعد التفويرة الاخيرة ندهنوها بالزبدة ونزيدو عليها الزبيب لي سلقنا فالماء وصفيناه مزيان نحطو السفة فطبق التقديم ونسقيوها بالدجاج والدغميرة نزينو بالسكر اللوز والقرفة بالصحة