أرز بالدجاج

من طرف **تميرة ست الحسن** 29/12/2021, 18:13

اولا نتبلو الدجاج: م ص ونصف خرقوم مملوءة، م ص زنجبیل، نصف م ص ابزار، توابل الدجاج، 2 فصوص ثوم، قزبر وبقدونس 2 معالق صلصة الصوبا،ملح، ربع كأس ماء نلبسو الشرمولة للدجاج نغطيوه ونديروه فالثلاجة شحال

مترقد فالشرمولة مزيان بلا زیت،

في طنجرة على عافية متوسطة نديرو زيت بلدية 2 بصلات مشلضين رقاق،فص ثوم شوية ملح (لانه عملنها فالشرمولة) تنزل ديك البصلة شوية نضيفو الدجاج المتبل (ديك التتبيلة لي كتبقى في قعر الاناء ديروها یا سلااام)

ضيفو زعفران شعرة الى متوفر ورأس معلقة قرفة نغطيو مرة مرة نحركو ثم نضيفو 2 مطيشات محكوكات و م ص طماطم مرکز(انا كنديرهم يطيبو شوية فالماء كنحيد القشرة ونطحنهم مع م ص طماطم مركز كتجي احسن)

نخلطو هادشي مع بعض جيپيدا تتعلك ديك الشرمولة ثم نضيفو ماء مغلي يطيب الدجاج نحيدوه ندهنوه بالزبدة او كل طرف دجاج نحطو من فوقو قطعة زبدة والى الفرن يتحمر

نرجعو الى الطنجرة وعلى عافية مهيلة نضيفو الارز انا استعملت 4 كؤوس ارز بسمتي کنرقدوه من قبل في ماء مملح مدة نصف ساعة نصفوه ونضيفوه (الارز الاصفر ايضا جيد) كان خاصو الماء زیدو ولكن متكتروش

دغيا كيطيب (لان القاعدة كل كأس أرز بكأسين من الماء او الماء من سطح الارز خاص يوصل الى الخط الأول من الاصبع ) ونقدمه باي طريقة كتفضلو انا قدمته بطريقة مغربية في طاجين بلدي وزينته بالبيض المسلوق واللوز

المقلي او محمر وبالصحة والراحة

ملاحظة:لي بغا يضيف الزبيب فمرحلة طياب الأرز کیجي زوين