بحـث
المواضيع الأخيرة
أفضل 10 أعضاء في هذا الشهر
صولجان |
| |||
تميرة ست الحسن |
| |||
الباحت عن الحق |
| |||
ayaaayaa |
| |||
الامبراطورة 369 |
| |||
حماده أحمد |
| |||
BARBUR |
| |||
المغربية فائقة الجمال |
| |||
Noonaa93 |
| |||
الفيلالي |
|
حياتي تقلبت من نهار جيت لبلاده
صفحة 1 من اصل 1 • شاطر
حياتي تقلبت من نهار جيت لبلاده
الموصوع طوويل و والله ماعارفة ما نكتب هاذي ثالث مرة نكتب لكم و نمسح حيث خفت نطول كنتمنى تعاونوني و تلقاو لي شي حل حيث ما عارفة ماندير
كنا عايشين في دولة و تنخدموا في نفس البلاصة فين تعارفنا و كنا صحاااااب ديال بصح و الصحبة ولات حب و طلبني للزواج و قبل الزواج زرنا عائلته في بلاده كانوا ناس على قد الحال المهم عائلته في شكل حياتهم غير المشاكل ديال علاش ما غسلتيش معلقة و علاش ما هزيتيش كاس و القيل و القال و الهضرة في الناس في ظهرهم و الابتسامة في وجهم و أمه الكلمة اللي على لسانها أنا ضريفة و نية و الكل ظالمني و اخته تتغير من النملة إلا لوزات و هادشي شفته مع مرت خوهابنت زوينة و راجلها تيبغيها تبارك الله. المهم جاو لعندنا نكدوا على ولدهم بالمزياااااان و داروا لينا الشوهة و المشاكيل و غير هاززين التلفونات و يصوروا و وجههم تقول جالسين في جنازة مشينا لبلادهم من بعد شهر الغسل و أخته جرات علي من دار باها و امه و باه واقفين تيتفرجوا
ضارت الايام و حملت و جات كورونا و ولدت بوحدي في الغربة و راجلي ما كانش معايا دايما بحكم الخدمة تيغيب يومين ثلاثة و هما ما كنتش تنهضر معاهم. و بسبب كورونا راجلي ما بقاش عايش معايا في الدار تيجي مرة مرة و مانعينهم يختلطوا بالناس عااامين و احنا هكذاك عانييينا بالمزيان و تزيرنا ماديا و بديت تنعاونوا بالفلوس اللي عندي فراش الدار المصروف الكرا حتى صرفت كاع اللي عندي من بعد قرر أننا نخليو ديك البلاد و نمشيو نعيشوا في بلاده الشيء اللي كنت رافضاااه حيث عارفة أش غيوقع و قلت له راه من شنو خايفة و واعدني انه عمر ما يدخل المشاكيل اللي تيحاولوا دراهم يديرو في حياتنا و مشيت عند عائلتي واحد الشهرين و والديا فرحوا بيا و بالبيبي و ما خلاو ما دارو على قبلنا بدلت الجو و سافرت لعنده لبلاده كرينا الدار و تقاضاو ليه الفلوس جبدت الفلوس كلها اللي كنت مخبية و بديت نعاونوا و تنشجع فيه نضت وليت صباغ /نجار/ طابيسري/ ام /زوجة... ثلاث شهور و احنا تماك و تقووول واش شي حد فيهم هز التلفون سول في و قالو ليه جيب بنتك نشوفوها رفضت رفض قاااطع و قلت له من الصواب هما يجيوا خوته تيعايروا فيه و تيحرشوه علي و يعايروا و بدااااو المشاكيل حتى لهاذ السيمانة جا عندي واحد العشية و قالي دارنا جايين قلت له عائلتك هاذيك جايين يشوفو بنتك قالي صاوبي لهم طبلة كاسكروت قلت له اتفقت معاك شحال هاذي أني غنعانلهم كيف تيعاملوني و قلتي لي عندك الحق صافي متافق معاك بدا يغوت و يهدد و وصلات بيه يهددني بالطلاق و الضرب إلا ما درت لهم ما ياكلوا السيد تقلب علي و نسى كاااع الوعود اللي وعدها لي لبست و لبست بنتي و جاو امه و باه و فعليا ما درت لهم وااالو من بعد عام و نص أول مرة يشوفوا بنت ولدهم جايبين ليها بيجامة و مونيكا ديال مية و ستين و بحال ديما جايين و هازيين نيفهم في السما و تيتصرفوا بوقاحة مشاو في حالهم و بدا تيصرف بحال الا ما وقع والو صافي تماك انا قررت أنني ما بقيتش قادرة على هاذ العيشة و قلتها لوالدي و مع انهم دييما كانوا الخيط البيض الليتيخلينا ما تنتفارقوش علما أنه ما عمممر كان بيناتنا مشاكيل المشكل الكبير اللي تنوصلوا عليه للطلاق هو أمه و باه هاذ المرة والديا قالولي صافي أجي في حالك ما بقى عندك ما ديري معاه قاطعت هضرته و صافي تنتسنى غير يفتحوا الخطوط و نسافر في حالي مني شافني شادة في رايي بدا بحال في كل مشكل تيهضر مع الوالد ديالي باش يتدخل بابا رفض يعضر معاه حيث فعليا الموضوع زاد عند حده واحد النهار تنهضر مع والديا في التلفون و هو كان تيتصنت قلت قالت لي ماما هاذو ما باغيينش يجيبوها للبر و كل مرة تيديروا مشكل و هو يخرج و بدا يعاااير فيهم بقلال الترابي و تيقول لبابا انت ماشي راجل خيث ما رضيتيش علي السلام و بدا يعاااير في و فيهم و قالهم بنتكم غنصيفطها لكم ماعندي ما ندير بيها و بنتي طال الزمان ولا قصار غناخذها منها جمع حوايجه وعيط لباه قاله اش وقع اللي جاااااه تيطير تحت الدار بالطوموبيل و مشى عندهم.
البارح جاني معممممممر مزيان و تيهضر بالتهديد و قااااع داك الحب و التضحية اللي درت على وده و خدمتي اللي خليت و حوايجي و فلوسي الي سمحت فيهم، حتى حاجة ما بقات ليها قيمة عنده و تيقولي بنتي غدي دسر سبع سنين غادي ناخدها و ما عمدكش الحق تتزوجي حيث ما نبغيهاش تعيش مع راجل غريب و شي هضرة شي هضرة تقووول علي عدوته ماشي مرته اللي كان تيحماق عليها و ما خلا ما دار باش يتزوجها.
قرر يختار عائلته اللي ما عمرهم وقفوا معاه ولا عاونوه وقت اللي كنا غنبقتو بالجوع انا اللي جبدت فلوسي و عطيتهم ليه و دابا أختكم لا حنين لا رحيم بوحدها ما عارفة ما دير تنتسنى فرج الله و عيني ما تينشفوش من دموووع الشمتة القهرة ما عمرني تخيلت أنني غنوصل لهاذ الحالة تبدلت و تخليت على شحال من حاجة على وده كنت أحسن ماركة نلبسها احسن صاك نهزو كل عكلة مسافرة بلاد بوحدي كان عندي صالير معيشني أميرة وليت كيف الخدامة حتى وجهي ما تنلقا ليه فلوس الكريمات ولا فلوس اللباس، كنت رافضة فكرة الزواج و اللي كنت خايفة منه طحت فيه
سمحوووولي بزاااف طولت عليكم حسبي الله ونعم الوكيل في اللي كان السبب
كنا عايشين في دولة و تنخدموا في نفس البلاصة فين تعارفنا و كنا صحاااااب ديال بصح و الصحبة ولات حب و طلبني للزواج و قبل الزواج زرنا عائلته في بلاده كانوا ناس على قد الحال المهم عائلته في شكل حياتهم غير المشاكل ديال علاش ما غسلتيش معلقة و علاش ما هزيتيش كاس و القيل و القال و الهضرة في الناس في ظهرهم و الابتسامة في وجهم و أمه الكلمة اللي على لسانها أنا ضريفة و نية و الكل ظالمني و اخته تتغير من النملة إلا لوزات و هادشي شفته مع مرت خوهابنت زوينة و راجلها تيبغيها تبارك الله. المهم جاو لعندنا نكدوا على ولدهم بالمزياااااان و داروا لينا الشوهة و المشاكيل و غير هاززين التلفونات و يصوروا و وجههم تقول جالسين في جنازة مشينا لبلادهم من بعد شهر الغسل و أخته جرات علي من دار باها و امه و باه واقفين تيتفرجوا
ضارت الايام و حملت و جات كورونا و ولدت بوحدي في الغربة و راجلي ما كانش معايا دايما بحكم الخدمة تيغيب يومين ثلاثة و هما ما كنتش تنهضر معاهم. و بسبب كورونا راجلي ما بقاش عايش معايا في الدار تيجي مرة مرة و مانعينهم يختلطوا بالناس عااامين و احنا هكذاك عانييينا بالمزيان و تزيرنا ماديا و بديت تنعاونوا بالفلوس اللي عندي فراش الدار المصروف الكرا حتى صرفت كاع اللي عندي من بعد قرر أننا نخليو ديك البلاد و نمشيو نعيشوا في بلاده الشيء اللي كنت رافضاااه حيث عارفة أش غيوقع و قلت له راه من شنو خايفة و واعدني انه عمر ما يدخل المشاكيل اللي تيحاولوا دراهم يديرو في حياتنا و مشيت عند عائلتي واحد الشهرين و والديا فرحوا بيا و بالبيبي و ما خلاو ما دارو على قبلنا بدلت الجو و سافرت لعنده لبلاده كرينا الدار و تقاضاو ليه الفلوس جبدت الفلوس كلها اللي كنت مخبية و بديت نعاونوا و تنشجع فيه نضت وليت صباغ /نجار/ طابيسري/ ام /زوجة... ثلاث شهور و احنا تماك و تقووول واش شي حد فيهم هز التلفون سول في و قالو ليه جيب بنتك نشوفوها رفضت رفض قاااطع و قلت له من الصواب هما يجيوا خوته تيعايروا فيه و تيحرشوه علي و يعايروا و بدااااو المشاكيل حتى لهاذ السيمانة جا عندي واحد العشية و قالي دارنا جايين قلت له عائلتك هاذيك جايين يشوفو بنتك قالي صاوبي لهم طبلة كاسكروت قلت له اتفقت معاك شحال هاذي أني غنعانلهم كيف تيعاملوني و قلتي لي عندك الحق صافي متافق معاك بدا يغوت و يهدد و وصلات بيه يهددني بالطلاق و الضرب إلا ما درت لهم ما ياكلوا السيد تقلب علي و نسى كاااع الوعود اللي وعدها لي لبست و لبست بنتي و جاو امه و باه و فعليا ما درت لهم وااالو من بعد عام و نص أول مرة يشوفوا بنت ولدهم جايبين ليها بيجامة و مونيكا ديال مية و ستين و بحال ديما جايين و هازيين نيفهم في السما و تيتصرفوا بوقاحة مشاو في حالهم و بدا تيصرف بحال الا ما وقع والو صافي تماك انا قررت أنني ما بقيتش قادرة على هاذ العيشة و قلتها لوالدي و مع انهم دييما كانوا الخيط البيض الليتيخلينا ما تنتفارقوش علما أنه ما عمممر كان بيناتنا مشاكيل المشكل الكبير اللي تنوصلوا عليه للطلاق هو أمه و باه هاذ المرة والديا قالولي صافي أجي في حالك ما بقى عندك ما ديري معاه قاطعت هضرته و صافي تنتسنى غير يفتحوا الخطوط و نسافر في حالي مني شافني شادة في رايي بدا بحال في كل مشكل تيهضر مع الوالد ديالي باش يتدخل بابا رفض يعضر معاه حيث فعليا الموضوع زاد عند حده واحد النهار تنهضر مع والديا في التلفون و هو كان تيتصنت قلت قالت لي ماما هاذو ما باغيينش يجيبوها للبر و كل مرة تيديروا مشكل و هو يخرج و بدا يعاااير فيهم بقلال الترابي و تيقول لبابا انت ماشي راجل خيث ما رضيتيش علي السلام و بدا يعاااير في و فيهم و قالهم بنتكم غنصيفطها لكم ماعندي ما ندير بيها و بنتي طال الزمان ولا قصار غناخذها منها جمع حوايجه وعيط لباه قاله اش وقع اللي جاااااه تيطير تحت الدار بالطوموبيل و مشى عندهم.
البارح جاني معممممممر مزيان و تيهضر بالتهديد و قااااع داك الحب و التضحية اللي درت على وده و خدمتي اللي خليت و حوايجي و فلوسي الي سمحت فيهم، حتى حاجة ما بقات ليها قيمة عنده و تيقولي بنتي غدي دسر سبع سنين غادي ناخدها و ما عمدكش الحق تتزوجي حيث ما نبغيهاش تعيش مع راجل غريب و شي هضرة شي هضرة تقووول علي عدوته ماشي مرته اللي كان تيحماق عليها و ما خلا ما دار باش يتزوجها.
قرر يختار عائلته اللي ما عمرهم وقفوا معاه ولا عاونوه وقت اللي كنا غنبقتو بالجوع انا اللي جبدت فلوسي و عطيتهم ليه و دابا أختكم لا حنين لا رحيم بوحدها ما عارفة ما دير تنتسنى فرج الله و عيني ما تينشفوش من دموووع الشمتة القهرة ما عمرني تخيلت أنني غنوصل لهاذ الحالة تبدلت و تخليت على شحال من حاجة على وده كنت أحسن ماركة نلبسها احسن صاك نهزو كل عكلة مسافرة بلاد بوحدي كان عندي صالير معيشني أميرة وليت كيف الخدامة حتى وجهي ما تنلقا ليه فلوس الكريمات ولا فلوس اللباس، كنت رافضة فكرة الزواج و اللي كنت خايفة منه طحت فيه
سمحوووولي بزاااف طولت عليكم حسبي الله ونعم الوكيل في اللي كان السبب
جميلة العقل- هيموني نشيط
- عدد المساهمات : 204
تاريخ التسجيل : 18/01/2020
رد: حياتي تقلبت من نهار جيت لبلاده
حشومة عليكم حتى دعيوة د الخير ما كتبتوها
جميلة العقل- هيموني نشيط
- عدد المساهمات : 204
تاريخ التسجيل : 18/01/2020
رد: حياتي تقلبت من نهار جيت لبلاده
الله يفرجها عليك اختي .. الحياة مغتوقفش ع هاد الراجل اللي مافيه نفع دفغ.. تحزمي اختي وقلبي ع خدمة وبداي حياتك من جديد
فنيدة و شكلاطة- هيموني متألق
- عدد المساهمات : 424
تاريخ التسجيل : 30/11/2016
رد: حياتي تقلبت من نهار جيت لبلاده
سلام اختي لباس عليك كيف بقياي
في خبارك لبارح بديت كنقرا موضوعك و تلفت تخيلي اختي تلفت بغيت نجاوبك و خرجو ليا شي حوايج من جنب ويلي
مهم اختي لنقولك اول غلط درتي هو ديك التضحيه لضحيتي قبل كاع يمكن متولدي بنتك البنات كيغلطو غلط فاش كيضحيو و تسمح في حوايجها و خدمتها علئ شي حد اختي مكاينش اليقه راسك و يخونك نجيك نيشان هاد الزمان عندك خدمتك عايشه بخير شوفي شي حد بحالك اختي و متيقيش في داكشي ديال الحب و الغرام و نضحيو بجوج لا و نوقف معاه هادشي ممنوش اختي
دابا البكا مورا الميت خساره انقولك هادشي تجربه دير ليك العقل هاد السيد اصلا مكاين لا سحور لا والو هادا بوودينه كيسمع واليديه واليديه مكانوش راضيين بزواجكم هادشي لبان ليا و نصيحه اخرا البنت غير تشوف واليدين الدري مباغينهاش تبعد حيت اتعدبي واخا يكون كيموت عليك بعدي اختي و معندوش شخصيه حيت كيشوف انه معاطيينكش قيمه و تابعهم اه واليديه ولكن نتي مراتو لازم يوقروك و هو يدير ليك قيمه بيناتهم و ديك القضيه ناض يدابز مع واليديك راه صافي باينه السيد صراحه ميستاهلكش اختي
نصيحه نوضي تكعدي الا كان ممكن ترجعي للبلاد لكنتي خدامه فيها لكانو عندك الوراق وبعدي من هاد الكنس اختي و حاولي ترجعي خدمتك و تخدمي علئ بنتك و الا بنتك عندها وراق ديال المغرب اختي دخليها معاك مهم بعدي اختي طلاق ماشي عيب عيب هو يعيش بنادم في الدل و يقول نصبر و هو صابر لشي حوايج لميستاهلوش و العمر كيمشي
غلط اخر علاش مشيتي بلادو معرفتش هاد بلادو لكن باينه انكم كنتو احسن في البلاد فين تلاقيتو مكنتيش توافقي حيت باين من الاول شفتي العربون انهم ناس خايبين لاش انمشي حتا لبلادهم و قريب ليهم باش ينكدو عليا
صلي و طلبي الله اختي و الا انتي كنتي مزال بغا تبقاي معاه فكري 1000 مره حيت هاد نوع مكتكونش الكلمه كلمته والشخصيه كتكون ضعيفه
انصحك تبداي حيانك من جديد اختي مع بنتك و صافي طلاق او الفراق ماشي عيب العيب هو يعيش بنادم في الدل و القهره و يقول نصبر
الله يفاجيها عليك اختي
في خبارك لبارح بديت كنقرا موضوعك و تلفت تخيلي اختي تلفت بغيت نجاوبك و خرجو ليا شي حوايج من جنب ويلي
مهم اختي لنقولك اول غلط درتي هو ديك التضحيه لضحيتي قبل كاع يمكن متولدي بنتك البنات كيغلطو غلط فاش كيضحيو و تسمح في حوايجها و خدمتها علئ شي حد اختي مكاينش اليقه راسك و يخونك نجيك نيشان هاد الزمان عندك خدمتك عايشه بخير شوفي شي حد بحالك اختي و متيقيش في داكشي ديال الحب و الغرام و نضحيو بجوج لا و نوقف معاه هادشي ممنوش اختي
دابا البكا مورا الميت خساره انقولك هادشي تجربه دير ليك العقل هاد السيد اصلا مكاين لا سحور لا والو هادا بوودينه كيسمع واليديه واليديه مكانوش راضيين بزواجكم هادشي لبان ليا و نصيحه اخرا البنت غير تشوف واليدين الدري مباغينهاش تبعد حيت اتعدبي واخا يكون كيموت عليك بعدي اختي و معندوش شخصيه حيت كيشوف انه معاطيينكش قيمه و تابعهم اه واليديه ولكن نتي مراتو لازم يوقروك و هو يدير ليك قيمه بيناتهم و ديك القضيه ناض يدابز مع واليديك راه صافي باينه السيد صراحه ميستاهلكش اختي
نصيحه نوضي تكعدي الا كان ممكن ترجعي للبلاد لكنتي خدامه فيها لكانو عندك الوراق وبعدي من هاد الكنس اختي و حاولي ترجعي خدمتك و تخدمي علئ بنتك و الا بنتك عندها وراق ديال المغرب اختي دخليها معاك مهم بعدي اختي طلاق ماشي عيب عيب هو يعيش بنادم في الدل و يقول نصبر و هو صابر لشي حوايج لميستاهلوش و العمر كيمشي
غلط اخر علاش مشيتي بلادو معرفتش هاد بلادو لكن باينه انكم كنتو احسن في البلاد فين تلاقيتو مكنتيش توافقي حيت باين من الاول شفتي العربون انهم ناس خايبين لاش انمشي حتا لبلادهم و قريب ليهم باش ينكدو عليا
صلي و طلبي الله اختي و الا انتي كنتي مزال بغا تبقاي معاه فكري 1000 مره حيت هاد نوع مكتكونش الكلمه كلمته والشخصيه كتكون ضعيفه
انصحك تبداي حيانك من جديد اختي مع بنتك و صافي طلاق او الفراق ماشي عيب العيب هو يعيش بنادم في الدل و القهره و يقول نصبر
الله يفاجيها عليك اختي
سامية 100- هيموني جديد
-
عدد المساهمات : 147
تاريخ التسجيل : 07/08/2014
رد: حياتي تقلبت من نهار جيت لبلاده
سيري لهاديك البلاد لي لقيتي فيها الصالير مزيان وبرعي راسك وبنتك ، وعيشي مرتاحة هانية بعيد على اللي ماشي راجل عند كلمتو .
vivemaroc- هيموني برونزي
- عدد المساهمات : 1574
تاريخ التسجيل : 16/10/2015

» كنموت نهار بعد نهار
» درت الشرويطة و تقلبت عليا
» لبنات واش هاد الشي عادي غي كنتعرف علي شيواحد نهار لول نهار زاوج يبادا راجل يهدرل فسكس وحنا يلاه تعرفنا
» حياتي***حياتي لنزار ايديل
» الدباز كل نهار
» درت الشرويطة و تقلبت عليا
» لبنات واش هاد الشي عادي غي كنتعرف علي شيواحد نهار لول نهار زاوج يبادا راجل يهدرل فسكس وحنا يلاه تعرفنا
» حياتي***حياتي لنزار ايديل
» الدباز كل نهار
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» شمعة تجيبو بزربة نار وعوافي
» بنات الدار الكبيرة جاوبوني
» وصفة جديدة للزواج
» ضع بصمتك...
» جلب قوي فعال
» أولياء الصالحين
» شرويطة تفوسيخة وفنفس الوقت تهييج وديما كلشي عندي ساهل
» شمعة تبرد القلب و تخليه يبكي على فراقك
» نصائح بخصوص الشرويطة سمعتهم من ناس محترفين فمجال الشرويطة
» فقط لي تخدم الشمع تدخل
» يويويوووي اول قبول ينجح لي
» لمن كان حبه صامتا و حبيبه لا يشعر به
» وصفة قوية لتكتيف الشعر مجرباها
» احسن وصفة لتقوية الشعر وبالتجريب