بحـث
 
 

نتائج البحث
 

 


Rechercher بحث متقدم

المواضيع الأخيرة
» أفكار لتصوير الأطفال
حياتي تقلبت من نهار جيت لبلاده Emptyاليوم في 12:51 pm من طرف تميرة ست الحسن

» شمعة تجيبو بزربة نار وعوافي
حياتي تقلبت من نهار جيت لبلاده Emptyاليوم في 12:50 pm من طرف بنت اللوتس

» بنات الدار الكبيرة جاوبوني
حياتي تقلبت من نهار جيت لبلاده Emptyاليوم في 12:50 pm من طرف فسحة الأمل

» وصفة جديدة للزواج
حياتي تقلبت من نهار جيت لبلاده Emptyاليوم في 12:49 pm من طرف فسحة الأمل

» ضع بصمتك...
حياتي تقلبت من نهار جيت لبلاده Emptyاليوم في 12:48 pm من طرف تميرة ست الحسن

» جلب قوي فعال
حياتي تقلبت من نهار جيت لبلاده Emptyاليوم في 12:42 pm من طرف BARBUR

» أولياء الصالحين
حياتي تقلبت من نهار جيت لبلاده Emptyاليوم في 12:42 pm من طرف تميرة ست الحسن

» شرويطة تفوسيخة وفنفس الوقت تهييج وديما كلشي عندي ساهل
حياتي تقلبت من نهار جيت لبلاده Emptyاليوم في 12:41 pm من طرف خسوف القمر

» شمعة تبرد القلب و تخليه يبكي على فراقك
حياتي تقلبت من نهار جيت لبلاده Emptyاليوم في 12:38 pm من طرف بنت اللوتس

» نصائح بخصوص الشرويطة سمعتهم من ناس محترفين فمجال الشرويطة
حياتي تقلبت من نهار جيت لبلاده Emptyاليوم في 12:37 pm من طرف خسوف القمر

» فقط لي تخدم الشمع تدخل
حياتي تقلبت من نهار جيت لبلاده Emptyاليوم في 12:31 pm من طرف بنت اللوتس

» يويويوووي اول قبول ينجح لي
حياتي تقلبت من نهار جيت لبلاده Emptyاليوم في 12:19 pm من طرف 92loubna

» لمن كان حبه صامتا و حبيبه لا يشعر به
حياتي تقلبت من نهار جيت لبلاده Emptyاليوم في 12:05 pm من طرف صولجان

» وصفة قوية لتكتيف الشعر مجرباها
حياتي تقلبت من نهار جيت لبلاده Emptyاليوم في 11:58 am من طرف المغربية فائقة الجمال

» احسن وصفة لتقوية الشعر وبالتجريب
حياتي تقلبت من نهار جيت لبلاده Emptyاليوم في 11:57 am من طرف المغربية فائقة الجمال



حياتي تقلبت من نهار جيت لبلاده

استعرض الموضوع التالي استعرض الموضوع السابق اذهب الى الأسفل

عاجل حياتي تقلبت من نهار جيت لبلاده

مُساهمة من طرف جميلة العقل الأربعاء يناير 12, 2022 12:24 pm

الموصوع طوويل و والله ماعارفة ما نكتب هاذي ثالث مرة نكتب لكم و نمسح حيث خفت نطول كنتمنى تعاونوني و تلقاو لي شي حل حيث ما عارفة ماندير
كنا عايشين في دولة و تنخدموا في نفس البلاصة فين تعارفنا و كنا صحاااااب ديال بصح و الصحبة ولات حب و طلبني للزواج و قبل الزواج زرنا عائلته في بلاده كانوا ناس على قد الحال  المهم عائلته في شكل حياتهم غير المشاكل ديال علاش ما غسلتيش معلقة و علاش ما هزيتيش كاس و القيل و القال و الهضرة في الناس في ظهرهم و الابتسامة في وجهم و أمه الكلمة اللي على لسانها أنا ضريفة و نية و الكل ظالمني و اخته تتغير من النملة إلا لوزات و هادشي شفته مع مرت خوهابنت زوينة و راجلها تيبغيها تبارك الله. المهم جاو لعندنا نكدوا على ولدهم بالمزياااااان و داروا لينا الشوهة و المشاكيل و غير هاززين التلفونات و يصوروا و وجههم تقول جالسين في جنازة مشينا لبلادهم من بعد شهر الغسل و أخته جرات علي من دار باها و امه و باه واقفين تيتفرجوا 
ضارت الايام و حملت و جات كورونا و ولدت بوحدي في الغربة و راجلي ما كانش معايا دايما بحكم الخدمة تيغيب يومين ثلاثة و هما ما كنتش تنهضر معاهم. و بسبب كورونا راجلي ما بقاش عايش معايا في الدار تيجي مرة مرة و مانعينهم يختلطوا بالناس عااامين و احنا هكذاك عانييينا بالمزيان و تزيرنا ماديا و بديت تنعاونوا بالفلوس اللي عندي فراش الدار المصروف الكرا حتى صرفت كاع اللي عندي من بعد قرر أننا نخليو ديك البلاد و نمشيو نعيشوا في بلاده الشيء اللي كنت رافضاااه حيث عارفة أش غيوقع و قلت له راه من شنو خايفة و واعدني انه عمر ما يدخل المشاكيل اللي تيحاولوا دراهم يديرو في حياتنا و مشيت عند عائلتي واحد الشهرين و والديا فرحوا بيا و بالبيبي و ما خلاو ما دارو على قبلنا بدلت الجو و سافرت لعنده لبلاده كرينا الدار و تقاضاو ليه الفلوس جبدت الفلوس كلها اللي كنت مخبية و بديت نعاونوا و تنشجع فيه نضت وليت صباغ /نجار/ طابيسري/ ام /زوجة... ثلاث شهور و احنا تماك و تقووول واش شي حد فيهم هز التلفون سول في و قالو ليه جيب بنتك نشوفوها رفضت رفض قاااطع و قلت له من الصواب هما يجيوا خوته تيعايروا فيه و تيحرشوه علي و يعايروا و بدااااو المشاكيل حتى لهاذ السيمانة جا عندي واحد العشية و قالي دارنا جايين قلت له عائلتك هاذيك جايين يشوفو بنتك قالي صاوبي لهم طبلة كاسكروت قلت له اتفقت معاك شحال هاذي أني غنعانلهم كيف تيعاملوني و قلتي لي عندك الحق صافي متافق معاك بدا يغوت و يهدد و وصلات بيه يهددني بالطلاق و الضرب إلا ما درت لهم ما ياكلوا السيد تقلب علي و نسى كاااع الوعود اللي وعدها لي لبست و لبست بنتي و جاو امه و باه و فعليا ما درت لهم وااالو من بعد عام و نص أول مرة يشوفوا بنت ولدهم جايبين ليها بيجامة و مونيكا ديال مية و ستين و بحال ديما جايين و هازيين نيفهم في السما و تيتصرفوا بوقاحة مشاو في حالهم و بدا تيصرف بحال الا ما وقع والو صافي تماك انا قررت أنني ما بقيتش قادرة على هاذ العيشة و قلتها لوالدي و مع انهم دييما كانوا الخيط البيض الليتيخلينا ما تنتفارقوش علما أنه ما عمممر كان بيناتنا مشاكيل المشكل الكبير اللي تنوصلوا عليه للطلاق هو أمه و باه هاذ المرة والديا قالولي صافي أجي في حالك ما بقى عندك ما ديري معاه قاطعت هضرته و صافي تنتسنى غير يفتحوا الخطوط و نسافر في حالي مني شافني شادة في رايي بدا بحال في كل مشكل تيهضر مع الوالد ديالي باش يتدخل بابا رفض يعضر معاه حيث فعليا الموضوع زاد عند حده واحد النهار تنهضر مع والديا في التلفون و هو كان تيتصنت قلت قالت لي ماما هاذو ما باغيينش يجيبوها للبر و كل مرة تيديروا مشكل و هو يخرج و بدا يعاااير فيهم بقلال الترابي و تيقول لبابا انت ماشي راجل خيث ما رضيتيش علي السلام و بدا يعاااير في و فيهم و قالهم بنتكم غنصيفطها لكم ماعندي ما ندير بيها و بنتي طال الزمان ولا قصار غناخذها منها جمع حوايجه وعيط لباه قاله اش وقع اللي جاااااه تيطير تحت الدار بالطوموبيل و مشى عندهم.
البارح جاني معممممممر مزيان و تيهضر بالتهديد و قااااع داك الحب و التضحية اللي درت على وده و خدمتي اللي خليت و حوايجي و فلوسي الي سمحت فيهم، حتى حاجة ما بقات ليها قيمة عنده و تيقولي بنتي غدي دسر سبع سنين غادي ناخدها و ما عمدكش الحق تتزوجي حيث ما نبغيهاش تعيش مع راجل غريب و شي هضرة شي هضرة تقووول علي عدوته ماشي مرته اللي كان تيحماق عليها و ما خلا ما دار باش يتزوجها.
قرر يختار عائلته اللي ما عمرهم وقفوا معاه ولا عاونوه وقت اللي كنا غنبقتو بالجوع انا اللي جبدت فلوسي و عطيتهم ليه و دابا أختكم لا حنين لا رحيم بوحدها ما عارفة ما دير تنتسنى فرج الله و عيني ما تينشفوش من دموووع الشمتة القهرة ما عمرني تخيلت أنني غنوصل لهاذ الحالة تبدلت و تخليت على شحال من حاجة على وده كنت أحسن ماركة نلبسها احسن صاك نهزو كل عكلة مسافرة بلاد بوحدي كان عندي صالير معيشني أميرة  وليت كيف الخدامة حتى وجهي ما تنلقا ليه فلوس الكريمات ولا فلوس اللباس، كنت رافضة فكرة الزواج و اللي كنت خايفة منه طحت فيه
سمحوووولي بزاااف طولت عليكم حسبي الله ونعم الوكيل في اللي كان السبب

جميلة العقل
هيموني نشيط
هيموني نشيط

عدد المساهمات : 204
تاريخ التسجيل : 18/01/2020
حياتي تقلبت من نهار جيت لبلاده Empty

الرجوع الى أعلى الصفحة اذهب الى الأسفل

عاجل رد: حياتي تقلبت من نهار جيت لبلاده

مُساهمة من طرف جميلة العقل الأربعاء يناير 12, 2022 4:45 pm

حشومة عليكم حتى دعيوة د الخير ما كتبتوها

جميلة العقل
هيموني نشيط
هيموني نشيط

عدد المساهمات : 204
تاريخ التسجيل : 18/01/2020
حياتي تقلبت من نهار جيت لبلاده Empty

الرجوع الى أعلى الصفحة اذهب الى الأسفل

عاجل رد: حياتي تقلبت من نهار جيت لبلاده

مُساهمة من طرف فنيدة و شكلاطة الأربعاء يناير 12, 2022 7:43 pm

الله يفرجها عليك اختي .. الحياة مغتوقفش ع هاد الراجل اللي مافيه نفع دفغ.. تحزمي اختي وقلبي ع خدمة وبداي حياتك من جديد
فنيدة و شكلاطة
فنيدة و شكلاطة
هيموني متألق
هيموني متألق

عدد المساهمات : 424
تاريخ التسجيل : 30/11/2016
حياتي تقلبت من نهار جيت لبلاده Empty

الرجوع الى أعلى الصفحة اذهب الى الأسفل

عاجل رد: حياتي تقلبت من نهار جيت لبلاده

مُساهمة من طرف سامية 100 الخميس يناير 13, 2022 10:17 am

سلام اختي لباس عليك كيف بقياي
في خبارك لبارح بديت كنقرا موضوعك و تلفت تخيلي اختي تلفت بغيت نجاوبك و خرجو ليا شي حوايج من جنب ويلي

مهم اختي لنقولك اول غلط درتي هو ديك التضحيه لضحيتي قبل كاع يمكن متولدي بنتك البنات كيغلطو غلط فاش كيضحيو و تسمح في حوايجها و خدمتها علئ شي حد اختي مكاينش اليقه راسك و يخونك نجيك نيشان هاد الزمان عندك خدمتك عايشه بخير شوفي شي حد بحالك اختي و متيقيش في داكشي ديال الحب و الغرام و نضحيو بجوج لا و نوقف معاه هادشي ممنوش اختي
دابا البكا مورا الميت خساره انقولك هادشي تجربه دير ليك العقل هاد السيد اصلا مكاين لا سحور لا والو هادا بوودينه كيسمع واليديه واليديه مكانوش راضيين بزواجكم هادشي لبان ليا و نصيحه اخرا البنت غير تشوف واليدين الدري مباغينهاش تبعد حيت اتعدبي واخا يكون كيموت عليك بعدي اختي و معندوش شخصيه حيت كيشوف انه معاطيينكش قيمه و تابعهم اه واليديه ولكن نتي مراتو لازم يوقروك و هو يدير ليك قيمه بيناتهم و ديك القضيه ناض يدابز مع واليديك راه صافي باينه السيد صراحه ميستاهلكش اختي

نصيحه نوضي تكعدي الا كان ممكن ترجعي للبلاد لكنتي خدامه فيها لكانو عندك الوراق وبعدي من هاد الكنس اختي و حاولي ترجعي خدمتك و تخدمي علئ بنتك و الا بنتك عندها وراق ديال المغرب اختي دخليها معاك مهم بعدي اختي طلاق ماشي عيب عيب هو  يعيش بنادم في الدل و يقول نصبر و هو صابر لشي حوايج لميستاهلوش و العمر كيمشي

غلط اخر علاش مشيتي بلادو معرفتش هاد بلادو لكن باينه انكم كنتو احسن في البلاد فين تلاقيتو مكنتيش توافقي حيت باين من الاول شفتي العربون انهم ناس خايبين لاش انمشي حتا لبلادهم و قريب ليهم باش ينكدو عليا
صلي و طلبي الله اختي و الا انتي كنتي مزال بغا تبقاي معاه فكري 1000 مره حيت هاد نوع مكتكونش الكلمه كلمته والشخصيه كتكون ضعيفه
انصحك تبداي حيانك من جديد اختي مع بنتك و صافي طلاق او الفراق ماشي عيب العيب هو يعيش بنادم في الدل و القهره و يقول نصبر
الله يفاجيها عليك اختي

سامية 100
هيموني جديد
هيموني جديد

انثى
عدد المساهمات : 147
تاريخ التسجيل : 07/08/2014
حياتي تقلبت من نهار جيت لبلاده Empty

الرجوع الى أعلى الصفحة اذهب الى الأسفل

عاجل رد: حياتي تقلبت من نهار جيت لبلاده

مُساهمة من طرف vivemaroc الجمعة يناير 14, 2022 2:58 pm

سيري لهاديك البلاد لي لقيتي فيها الصالير مزيان وبرعي راسك وبنتك ، وعيشي مرتاحة هانية بعيد على اللي ماشي راجل عند كلمتو .
vivemaroc
vivemaroc
هيموني برونزي
هيموني برونزي

عدد المساهمات : 1574
تاريخ التسجيل : 16/10/2015
حياتي تقلبت من نهار جيت لبلاده Empty

الرجوع الى أعلى الصفحة اذهب الى الأسفل

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى