دجاج على طريقة المناسبات

من طرف **تميرة ست الحسن** 26/1/2022, 12:50

المقادير :

6دجاجات (الكمية حسب عدد الأشخاص)

ونتوما بداو غير بدجاجة وحدة

طريقة التحضير:

نغسلو الدجاج بالملح و الخل و سكين جبير و نخلوه إيبات في الترقيدة دیالو حتى للصباح و نغسلوه مزيان و نحطوه يتسقطر

شرمولة:

بصلة كبيرة - نصف كأس زيت

- 3 معالق كبار سكين جبير -3 معالق خرقوم بلدي

ملعقة صغيرة مخلطة بسيبيسة و قعقلة مطحونين

ملعقة كبيرة إبزار

- ثوم مدقوق 6 فصوص للدجاجة

-ربطة قزبور وربطة معدنوس

-شوية من ملون أصطناعي

عصير 2 حامضات - ( بنسبة لبصلة لكونة غدي نخلو دجاج أكثر من 24

ساعة نكتفي غير بثوم باش متلاقش لینا بصلة لمرورة دیلها)

الطريقة :

تنخلطو جميع المكونات مع كأس كبير من الماء

ناخدو دجاج ونتقبوه بسكين او شوكة )

ثم كنبداو نرقدو الدجاج في الشرمولة و حنا کندخلوها مزيان ما بين اللحم و الجلدة و أيضا وسط الدجاجة ثم كنربطو ليهم رجليهم

کنرقدو الدجاج ليلة كاملة

ناخدو طنجرة نديرو فيها كأس صغير زيت مخلط بلدي ورومي يسخن وحطو دجاج

و نخلوه يتشحر شوية نقلبو الدجاج على صدرو ونزيدو حامضة مصيرة + بصلات كبار مشلضين ونزيدو الماء من احسن اكون ساخن تقريبا حتى يتغطى ربع لكتير ديل دجاج نزيدو عاشق سمن كبيرة و شوية ديل زعفران

شعرة شوية ملح ونضيفو تقريبا عصير 2 حامضات نخلوه حتى يطيب.مزيان من بعد نحيدو الدجاج نخلوه انشف شوية نزيدو عالمرقة لكبيداة لصلقنا من قبل نخلوه على العافية باش ينقص المرق حتى يعقاد نحطوه

دجاج في لاطة و ندهنوه بالسمن او الزبدة مدوبين ونزيدو عليهم زوج.معلق كبار مطيشة لحك زوج معلق هريسة تيجيو بنان و زوينين احسن من القلي و ندخلوه للفرن يتحمر

-کنسلقو الزيتون ونصفوه و نزيدو عليه مغرفة من المرق

في الأخير كنحطو الدجاج في طبق التقديم و نخويو شوية المرق و نزينو.بالزيتون و كل واحد كيزين حسب الذوق ديالو

و بالصحة والراحة