طريقة رائعة للحصول على مسمن مفشفش و مورق

من طرف **lala molati** 14/6/2013, 17:15

اليوم عندي لكم طريقة للحصول على مسمن مورق كيجى ناشف من زيت و محلول صراحة لداقو عندي كيحماق عليه.

بلا منطول عليكم خدو الطريقة و تبعوها بالترتيب و ان شاء الله غادي يعجبكم

خودي قصرية ديري فيها 1 كيلو فورص+ نصف كيلو قمح ممتاز

شوية الملح+شوية خميرة الدار قياس حمصة (يعني فاش تكوريها بين صبعانك تولي قد الحمصة

وكديري ملعقة صغيرة سكر سنيدة كتجمعيها بالماء عادي وكدلكيها مزيان غطيها ببلاستيكا خليها ترتاح بينما دوبتي شوية الزبدة هاديك ديال لعبار الصفرة. وتزيدي الزيت تخلطيهم و تبداي تكوري لعجينة حتى تكمليها و تخليها ترتاح بينما غسلتي لقصرية و رجعتيها لبلاصتها و غسلتى بوتاجي فين غادا تكرسي لمسمن و تنشفيه مزيان من بعد كتاخدي كورة العجين كتكرسيها مزيان حتى تولي شفافة و رقيقة كدهنيها بشوية الزيت و الزبدة و كترشى فوقهم شوية الفورص مخلط مع خمارة الحلوة و كتبداي تطوي و تدهني بالزيت و الزبدة و ترشي بالفورص مع كل طية بحال لمسمن العادي و تحطيها و تاخدي وحدة اخرا تكرسيها بنفس الطريقة و تدهنيها و ترشيها بالفورص و تاخدي لمسمنة الاولى و تبسطيها شوية بيدك و تحطيها وسط لمسمنة التانية لي كرستى و ترشي فوقها وتطوي لمسمنة التانية و هي وسط منها لمسمنة الاولى طبعا مع كل طية كدهني و ترشى. و تحطيها ترتاح و تبداي في المسمنة الاخرى بحال الاول يعني دائما كتجى مسمنة وسط مسمنة و ملي تطوي على الاقل 4 المسمنات وحدة في وحدة تسخني المقلة وتبسطي لمسمنة و تخبزيها بلا ما ترشي لمقلة بالزيت و دائما فاش تحطي لمسمنة في المقلة غير تبدا تشد فى راسها قلبيها ما تخلهاش حتى تطيب عاد تقلبيها .وملي تحمر حايديها. و هكدا غادى تحصلي على مسمن ما تشبعيش منه

نتمنى نكون وصلت ليكم الطريقة و تكون مفهومة و نتمنى نكون فدتكم. لي جرباتو ترد علية لخبار و لي عندها شي طريقة اخرى تفيدنا بيها و الله يخلينا ديما كريمات مع بعضنا و لي كتعرف تعلم لي مكتعرفش و لي ما كتعرفش تسول ولي سولت تلقى لي يجوبها و السلام و عليكم

من طرف **fleur_blanche** 14/6/2013, 17:21

الله يعطيك الصحة دابا نجرب هده الطريقة Very Happy

من طرف **lala molati** 14/6/2013, 17:22

ان شاء الله
الله يسخر

من طرف **عنبر** 14/6/2013, 17:38

شكرا
انا كندير خمارة حمرة ديال الحلوة في زبدة بعدما دوبتها مع الزيت
تعلمتها في واحد المخبزة كنت خدامة فيها
كيجي واعر خاصة ملوي

من طرف **ااااااااه قلبي** 14/6/2013, 17:45

شكرا احبيبة
عندك الصح عبير حتى انا الملوي كندير خمارة وسط زبدة وزيت وتنلوي كيجي زوين ومحلول من داخل

من طرف LALOLA 14/6/2013, 18:16

شكرا احبيبة

من طرف **thaziri** 14/6/2013, 18:45

شكرا حبيبة وصفة زوينة بزف

من طرف **lala molati** 15/6/2013, 14:05

بصحتكم البنات

اه حتى الاقتراح اللي قالت الاخت عنبر تايجي فيه المسمن غزااااااااال ومبطبط هه

من طرف **عنبر** 15/6/2013, 14:08

ااااااااه قلبي كتب:شكرا احبيبة
عندك الصح عبير حتى انا الملوي كندير خمارة وسط زبدة وزيت وتنلوي كيجي زوين ومحلول من داخل
هاد طريقة ديال مخبزات كيجي فن

من طرف **عنبر** 15/6/2013, 14:13

lala molati كتب:بصحتكم البنات

اه حتى الاقتراح اللي قالت الاخت عنبر تايجي فيه المسمن غزااااااااال ومبطبط هه
واحد حاجة اخرى الا درتيه بالدقيق ديال القمح لي كنطحنو اللي ماشفكش فاش تخبزيه يقول طيبتيه على العواد والفراح بحال ديال العروبية
والا جاو عندك ضياف على غفلة ماعندكش الزبدة وكنتي مزروبة شدي طبيسيل ديري فيه الزيت والدقيق وخلطي وورقي بيه والله يطلع ملوي احسن من الزبدة
هاد طريقة كيديروها لي يبيعو حرشة والمسمن

من طرف **lala molati** 15/6/2013, 16:00

من طرف **الطنجوية** 15/6/2013, 19:49

الله يعطيكم الصحة الغزا لات

من طرف **dadow** 15/6/2013, 20:21

من طرف **NEVERTITI** 15/6/2013, 20:51

من طرف **ملكة الورد** 15/6/2013, 21:02

شكرا الزين على المسمن هه

من طرف **السيدة الأولى** 15/6/2013, 21:42

مرسي حبيبة بارك الله فيك ياليت تحطي لنا الطريقة بالصور نتعبك معايا لكن انا ماليش في المطبخ وبغيت نديرها على رمضان

من طرف **lala molati** 16/6/2013, 13:33

الحبيبة ديالي السيدة الاولى راه مكنعرفش نحط الصور هنايا

العفو البنات بصحتكم

من طرف **بغيغيشة** 16/6/2013, 18:57

يعطيك الصحة هاد الشي متول عندك

من طرف **wafadekech** 16/6/2013, 19:02

من طرف الشيطانة الجميلة 16/6/2013, 19:46

من طرف رموش نملة 18/6/2013, 00:20

شكرا اختي طريقه زوينه

من طرف **Sowino** 18/6/2013, 11:18

من طرف **Sowino** 18/6/2013, 11:33

من طرف **ساليمه** 7/7/2013, 22:49

تسلم الايادي

من طرف **lala molati** 7/7/2013, 23:05

من طرف najma9amar 14/7/2013, 17:32

KHTI RANI JARABT LMSSAMAN JA RZAL ALLH I3TAIK LKHIR ALHADGA cheers

من طرف **rimma125** 16/7/2013, 02:15

من طرف nadiya22 16/7/2013, 02:46

عرفتي كندير الطريقة ديالك كلها غير خميرة الحلوى عاد سمعتها شكرا بزاااااف بزااااف

من طرف **مولات الخالة** 16/7/2013, 02:55

شكراا حبيبة

من طرف **دمعة فرح** 16/7/2013, 03:13

فكرة زوينة

من طرف **الأوراق المتساقطة** 16/7/2013, 06:26

عنبر كتب:شكرا
انا كندير خمارة حمرة ديال الحلوة في زبدة بعدما دوبتها مع الزيت
تعلمتها في واحد المخبزة كنت خدامة فيها
كيجي واعر خاصة ملوي

فعلااااااااااااااااااا حتئ انا كندير هذ الطريقة فالملوي وكنزيد عليه بيضة اللي داقووووو يحماق عليه

من طرف **الأوراق المتساقطة** 16/7/2013, 06:29

شكرااااااااااااااا احبيبة وصفةة راااااائعة غدا نديرها انشاء الله

من طرف **مولات الخالة** 16/7/2013, 15:48

الأوراق المتساقطة كتب:
عنبر كتب:شكرا
انا كندير خمارة حمرة ديال الحلوة في زبدة بعدما دوبتها مع الزيت
تعلمتها في واحد المخبزة كنت خدامة فيها
كيجي واعر خاصة ملوي

فعلااااااااااااااااااا حتئ انا كندير هذ الطريقة فالملوي وكنزيد عليه بيضة اللي داقووووو يحماق عليه

سلام حبيبة أوراق
بيضة كاديريها في لعجينة ؟

من طرف **قمر السمااء** 16/7/2013, 19:16

شكرااااااا

من طرف **الأوراق المتساقطة** 17/7/2013, 07:07

Layali Maroc كتب:
الأوراق المتساقطة كتب:
عنبر كتب:شكرا
انا كندير خمارة حمرة ديال الحلوة في زبدة بعدما دوبتها مع الزيت
تعلمتها في واحد المخبزة كنت خدامة فيها
كيجي واعر خاصة ملوي

فعلااااااااااااااااااا حتئ انا كندير هذ الطريقة فالملوي وكنزيد عليه بيضة اللي داقووووو يحماق عليه
سلام حبيبة أوراق
بيضة كاديريها في لعجينة ؟

وي احبيبة في العجينة كتخلط مع الدقيق كيجي ملوي راااائع

من طرف **مولات الخالة** 17/7/2013, 16:33

الأوراق المتساقطة كتب:
Layali Maroc كتب:
الأوراق المتساقطة كتب:
عنبر كتب:شكرا
انا كندير خمارة حمرة ديال الحلوة في زبدة بعدما دوبتها مع الزيت
تعلمتها في واحد المخبزة كنت خدامة فيها
كيجي واعر خاصة ملوي

فعلااااااااااااااااااا حتئ انا كندير هذ الطريقة فالملوي وكنزيد عليه بيضة اللي داقووووو يحماق عليه
سلام حبيبة أوراق
بيضة كاديريها في لعجينة ؟

وي احبيبة في العجينة كتخلط مع الدقيق كيجي ملوي راااائع

شكراا حبيبة هاد لمرة نجربها