كيكة سهلة و بنينة

من طرف Miel pur 23/6/2013, 23:53

سلام و عليكم يا الحدgات أنا جديدة معاكم ف المنتدى نتمنى تقبلوني معاكم عواشركم مبروكة الله يدخل عليكم بالصحة و السلامة و باش ما تمنيتو يا ربي . القادير : بيضة + كأس الزيت+ كأس سنيدة + فاني + 2 خمارة الحلوى + 3 م.ك كاكاو + 2 كيسان الطحين أنا عبرت بكأس عنبة نخلط المقادير بالخلاط و نصبوهم ف مول مذهون بالزيت و مرشوش بالطحين و ندخلها إلى الفرن التزين : كريمة بالشكلاط واللوز محمر و مقلي أو الكوك مقادير الكريما : 100g شكلاط أسود + معلقة و نصف الزيت نديروهم ف حمام مريم حتى يذوب الشكلاط و نزيدو الحليب حتى يولي سائل و نزوله فوق البوطة و نضيف إليه 2 م.ك النشا و نحرك و نرجعوه ف البوطة مع التحريك حتى يعقاد و ملي تطيب كيكة نزولها من المول نصب عليها كريما و نسرحها من الفوق والجوانب و هي سخونة باش تشربها و تجيكم معلكة من الداخل و نزينها باللوز أو الكوك و ندخلها إلى الثلاجة تشد راسها بالصحة و الراحة نتمنى تعجبكم و تجربها .

من طرف **ملكة الورد** 25/6/2013, 18:28

فين الكيكة اختي

من طرف **ملكة الورد** 25/6/2013, 19:39

؟؟؟؟؟؟؟؟؟؟؟

من طرف **Sowino** 26/6/2013, 01:17

ايوة فين هيا هد الكيكة
واقيلة كتطيبها دابة حتى تسالي وكتبيها لينا راه حنة كنتسناو

من طرف Miel pur 30/6/2013, 23:39

راني كتباها يالحبيبة و إلا ما بانوش ليكم المقادير أنا نعاود نكتبهم

من طرف **ama** 30/6/2013, 23:40

هههههههههههههههه غير كتبيها واقيلا طيروها الجنون

من طرف Miel pur 30/6/2013, 23:41

سمحلي أختي ملكة الورد على التأخير أنا نكتب ليك المقادير

من طرف Miel pur 30/6/2013, 23:44

هههه وقيلا على الرأس و العين يالالة ama

من طرف Miel pur 1/7/2013, 00:04

مقادير الكيك: بيضة + كأس الحليب +كأس الزيت+ كأس سنيدة+ 2فاني + 3 معالق كاكاو + 2 خمارات + 2 كيسان الطحين (كأس عنبة ) كنطربو بالتدريج المقادير في الأخير نضيف الكاكاو و الخميرة الطحين و نصب الخليط ف مول مذهون بالزيت و مرشوش بالطحين مقادير الكريمة : 100g شكلاط أسود نديروه في حمام مريم و نزيدو عليه معلقة و نصف كبيرة من الزيت و نخليوه حتى يذوب ثم نضيف الحليب وحنا كنزيدو الحليب و كنحركو حتى كيولي سائل و نزولوه فوق النار و نزيدو عليه 2 ملاعق كبار من النشا و نرجعوه فوق البوطة حتى يعقاد و نزولوه فوق النار و كيف تخرج الكيك من الفرن نتسناو شوية و نخرجها من المول و نصب عليها الكريمة و نزوفها إما باللوز مهرهش أو الكوك

من طرف **عنبر** 1/7/2013, 00:07

الحبيبة كملي خيرك وكتبي حتى طريقة

من طرف Miel pur 1/7/2013, 00:21

يا كبيدة راني كتبت مقادير و الطريقة

من طرف **ama** 1/7/2013, 00:23

الله يعزك الحبيبة
اناري اختي خصك تفوسخي ههههههههههههههههه
افين الطريقة

من طرف Miel pur 1/7/2013, 00:31

و الله مكدبتي متخديش فيا أجر و تفوسخني يلالة كتطربي البيض مع سنيدة حتي كيبياض و تزيدي الزيت و كطربي + الحليب + فاني + الكاكاو + الخميرة و الطحين و تخلطي حتى يتجانس الخليط و تصبيها ف مول مدهون بالزيت أو الزبدة و مرشوش بالطحين متبقاو غير على خاطركم