قريوش السبولة

من طرف gabie 14/9/2013, 19:36

ها واحد سلام عليكم هادي أول مشاركة ليا في المنتدى نتمنى تعجبكم أو بلاما نطول عليكم نبداو بالمقادير
بالنسبة العجين نحتاج : 4 كيسان عنبة فورص كاس قريب لعمارة زبدة مذوبة 2 معالق كبار نيدو يمكن تعويضه بنص كاس حليب نص خمارة ساشي فاني معيلقة لخل شوية ملح نجمع العجين بالماء الدافي
نعملو من العجين حرابل نوضعوها فبلاطو مفرش بلبلاستيك الغذائي نخليوها ترتاح مزيان
من بعد نطلق العجين حتى تولي رقيقة نقطعها على شكل معينات وكل معين نضع فيه فتحة لوسط بلموس نوضعو 3 معينات الواحد فوق الثاني نخرجو راس المعينات من الفتحة ليعطينا شكل سبولة
مين نساليو العجين ديالنا نبداو نقليو فزيت يكون سخون من قبل قبل ما يسخن الزيت نضيفو ليه قطيرات الخل باش تجي السبولة مقادة فطيابها
ثم نطفى فالعسل يكون دافي نضيف ليه شوية ماء الزهر
ثم ترش من فوق بالزنجلان
بالصحة و الراحة
سمحوليا ماعرفتش ندير تصاور