اربع أنواع عصير للمناسبات الخاصة

من طرف بلانكا الإثنين أبريل 21, 2014 11:31 pm

العصير 1 : 1 لتر عصير البستان +2 أو 3 بنانات + 1/4 بكية تانك تروبيكال ، يخلط الكل في مولينكس ويدخل يتبرد في التلاجة ، كيجي مداق رائع ومختلف وكلشي كيبقى يسولني شنو عاملة فيه !!
العصير 2 : 1 التر حليب + حفنة يد كركاع + حفنة يد لوز خضر بقشوروو + حفنة يد تمر مقطع + قطيرة صغيرة صغيرة صغيرة ديال روح اللوز (وهنا كنإكد بزاف أنه تكون يالله قطيرة صغيرة وصغيرة بزاف باش ماتعطيناش البنة ديال المرار !!) + سنيدة حسب الذوق، يخلط الكل في مولينكس، ويصفى في الصفاية ويدخل يتبرد في التلاجة ، هذا كيجي حتى هو هائل وممتاز !!!
وإذا حبيتي تزيدي، عملي عصير ديال الحليب ولافوكا ، وعصير الليمون مع الفريز وزيدي معاه واحد البنانة باش كيجي عاقد ؛ وهاكدا كيجيو عندك 4 أنواع ديال الأعاصير هائلة في المذاق وبألوان زاهية رائعة، يعني لذة في المذاق وروعة في المنظر ؛)
اللون البرتقالي : عصير 1
اللون الأبيض: عصير 2
اللون الغوز الغامق: عصير الفريز
اللون الأخضر فاتح : عصير الإفوكا

من طرف **Revilish** الإثنين أبريل 21, 2014 11:37 pm

شكرا لك

من طرف بلانكا الإثنين أبريل 21, 2014 11:41 pm

العفو حبيبتي

من طرف rayhana dreyfa الثلاثاء أبريل 22, 2014 12:48 am

شكرا أختي وعافاك إلا عندك الوصفة ديالالعصير اللي كيبقى مدة طويلة ف الكونجيلاتور و مللي نبغيوه كنجبدو غي شوية و نزيدو عليه الماء

من طرف بلانكا الثلاثاء أبريل 22, 2014 2:02 am

rayhana dreyfa كتب:شكرا أختي وعافاك إلا عندك الوصفة ديالالعصير اللي كيبقى مدة طويلة ف الكونجيلاتور و مللي نبغيوه كنجبدو غي شوية و نزيدو عليه الماء

العفو حبيبتي
انا كانعرف واحد غانحطليك مقادير دياله

2 كيلو من اليمون نعصروه
كيلو الحامض نعصروه
قشرةجوج ليمونات محكوكتين
قشرة جوج حامضات محكوكتين
كيلو و نصف سكر سنيدة

في اناء على النار نضغ الكل يغلي لمدة 15 دقيقة مع التحريك المستمر من بعد يصفى و يترك ليبرد ثم يوضع في الثلاجة او المجمد
حيث اننا نحصل على عصير مركز

و عند الشرب نأخد كاس من العصير و نضيف اليه خمس كؤوس من الماء وتقدري تزيدي معاهم بنان تفاح والخوخ والفريز الى بغيتي تنوعي بصحتك