بريوات بمداق بسطيلة دجاج

تذكير بمساهمة فاتح الموضوع :

هنا جيبلكم وصفة من وصفاتي رمضانية     
 هادو  بريوات  ديال الدجاج و لكن إلى كليتوهم بحالة كتاكلو بسطيلة الدجاج 
نبداو بالمقادير  الدجاج  :
 - 2 صدور الدجاج و كنزيد حتى لفخاد باش تقدني الحشوة
-ابزار+ملح +سكين جبير +شوية الزعفران الشعرة نحطو فوق طنجرة أو كوكوت حتى يسخن و نحك
 بين أصابعي+شوية السمن البلدي +قزبر ومعدنوس مقطعين+زيت المايدة +2 عواد القرفة+ 2/1  حامضة مرقدة +2 بصلات كبار مشلضين  (أولى 3 صغار)
  المقادير  لوز :
-250 غ لوزمصلوق ومنقي ومقلي ومهرمش مع قليل من السكر كلاصي
 -م ك الزبدة 
-شوية المسكة الحرة 
-شوية القرفة
 أولا : نرقدو الدجاج في الشرمولة و زيت قبل بساعة باش يشرب ليقامة مزيان و اجي بنين .
.من بعد نديروه  في طنجرة أو كوكوت يطيب فوق نار متوسطة مع اضافة القليل من الماء اذا احتجناه ....من بعد نزولو الدجاج و نزولولو لعضم و نقطعو الهبرة  ونخليو المرق يتختر
 ونخليوهم على جنب  
تانيا : 
نجمع  كل المكونات  لوز  باش نحصلو على خليط ديال اللوز
 تالتا : 
ناخد الدجاج مقطع ونضيف اليه خليط اللوز وقليل من المرق وها هي الحشوة واجدة   
نعمرو بهم بريوات بشكل متلت و (1/2 نقليوه و 1/2 أخر  ندخلوه لفرن لاصحاب ريجيم  )
[img][/img]ماشي ديالي غير لتوضيح 
وزينوهم بقليل من السكر كلاصي والقرفة 
[img][/img]ماشي ديالي غير لتوضيح 
و بصحة و راحة 
سمحو ليا  الموضوع يفتقد للصور  مع خدمة مازال ماوجت  ولو  غير نبدا و نصور لكم إنشاء الله    

شكرا