تارتوليت بالتفاح

من طرف **كومود** 20/8/2014, 04:44

[img]

[/img]

السلام عليكم الحادگات هادي أول مشاركة ليا فقسم المطبخ العصري
:
غادي نحتاجو نص باكية تاع المارگرين
زلافة دقيق
شويا ملح ملعقة سكر وكأس كبير ماء
أولا غادي نشدو الماء نزيدو عليه الملح و السكر و نخلطو مزيان حتى يذوب كلشي
فآنية أخرى غادي نوضعو الدقيق و نزيدو عليه الزبدة مقطعة طريفات و نبداو نحربلو بحال إيلا رانا نديرو كسكسو حتى تخلط الزبدة مزيان مع الدقيق عاد نضيفو الماء الكمية لي تقدنا باش تجمعوا العجين صافي و بالنسبة للعجين راه ما يتدلكش غير نجمعوه و نديره فالبلاستيك الغذائي و ندخلوه الثلاجة ساعة على الأقل، هاد العجين كيتسما la pâte brisé

و دابا غادي نصاوبو la crème pâtissière
غادي نحتاجو 4 أصفر البيض، ملعقة كبيرة زبدة، نصف لتر حليب، 400 غرام سنيدة، 2 معالق نشا، كيس فاني
فاكسرونة غادي نديرو الحليب+فاني+نصف كمية السكر و ونخليوهم يطيبو حتى الغليان
فنفس الوقت نديرو ف آنية كبيرة شوية أصفر البيض+كمية السكر المتبقية+النشا و نطربو مزيان و نضيفو عليه الحليب لي طيبنا مع التحرك المستمر و نوليو نرجو كلشي فوق النار مع التحريك حتى يعقد الخليط نحيدوه من فوق النار و نزيدو عليه الزبدة و نخويو الخليط فزلافة و نغلفوها بالبلاستيك الغذائي و ندخلوها الثلاجة
التزيين:
غادي نحتاجها التفاح مقطع شرائح رقيقة نرقدوه فالخل باش ميكحالش+شوية سكر+كونفيتير ولا ناباج+ Les fruits conflit
من بعد نجبدو العجين و نسرحوه بالمدلك مع رش سطح العمل بالدقيق و كنسرحو العجين رقيق بزاف و نقطعوه دوائر
نديروهم فصينية الفرن و ندهنوهم ب la crème pâtissière و من فوقها نستفو التفاح على شكل وردة و من فوقو ندردرو شويا سكر و ف الوسط نزينو ب les fruits conflue و ندخلوهوم الفرن يطيبو على خاطرهم حتى يتگرملو و مين تخرجوهم دهنوهم بالكونفيتير ولا ناباج و ديريها تبرد شويا عاد قدموها جربوها راها كتجي غزالة و تحمر لوجه و بالصحة و الراحة

من طرف **كومود** 20/8/2014, 04:48

[img]

[/img]

من طرف **كنوز المغرب** 20/8/2014, 23:10

وصفة رائعة شكرا جزيلا

من طرف **كنوز المغرب** 20/8/2014, 23:11

نقدرو ندهنو بالعسل عوض الناباج او كونفتير مشماش

من طرف **Basmati** 20/8/2014, 23:13

شكرا اختي على الوصفة

من طرف **كنوز المغرب** 20/8/2014, 23:32

نصف باكية ماركرين هي 125غ؟

من طرف **بنت من البنات** 21/8/2014, 00:47

شكرا على الوصفة

من طرف **كومود** 21/8/2014, 02:25

كنوز المغرب كتب:نصف باكية ماركرين هي 125غ؟

واه هي هاديك 125g

من طرف **كومود** 21/8/2014, 02:30

جودية وجدية كتب:
كنوز المغرب كتب:نصف باكية ماركرين هي 125غ؟
واه هي هاديك 125g

و تقدري تستعملي العسل أنا دهنت بكونفيتير المشماش
[img] تارتوليت بالتفاح 15mtufp

[/img]

من طرف **كنوز المغرب** 21/8/2014, 20:43

شكرا اخت جوديا حتى انت تقولي واه بحالي Smile

من طرف **حمامة بالعالي** 22/8/2014, 04:10

يعطيك الصحة تيشهي

من طرف **hind1990** 22/8/2014, 04:17

شكرا

من طرف **كومود** 22/8/2014, 05:03

كنوز المغرب كتب:شكرا اخت جوديا حتى انت تقولي واه بحالي

ههههه واه واه دايمن فمي راكي عارفاً حنا وجادة منگولوش آه

من طرف **كومود** 22/8/2014, 05:06

سالي يسلمك حبيبتي إيوا نهار نولي نديرها نعرض عليك تجي دوقيها لووول
هند لا شكر على واجب يا السمية لعزيزة

من طرف **كنوز المغرب** 22/8/2014, 18:25

جودية وجدية كتب:
كنوز المغرب كتب:شكرا اخت جوديا حتى انت تقولي واه بحالي

ههههه واه واه دايمن فمي راكي عارفاً حنا وجادة منگولوش آ

عرفتك من السيكتور حتى انا من نسافر للغرب نفضح راسي بديك واه والو ماتحايدش من فمي.قوليلي داك الطابع يتباع فوجدة ديال الحلوة الشمالية لي درتي؟؟

من طرف **كومود** 23/8/2014, 00:31

كنوز المغرب كتب:
جودية وجدية كتب:
كنوز المغرب كتب:شكرا اخت جوديا حتى انت تقولي واه بحالي

ههههه واه واه دايمن فمي راكي عارفاً حنا وجادة منگولوش آ
عرفتك من السيكتور حتى انا من نسافر للغرب نفضح راسي بديك واه والو ماتحايدش من فمي.قوليلي داك الطابع يتباع فوجدة ديال الحلوة الشمالية لي درتي؟؟

هههه واه معروفة ديال وجادة هي حتى ناي وجدية؟؟ الطابع راني شريتو م المدينة أنا نعتلك من عندمن شريتو شفتي كي تطلعي مع الگزارة تفوتي على هادوك لي يبيعو les valises زيدي غير نيشان حتى تلقاي هادوك لي يبيعو التواب فين راهم الأفارقة مسطرين ههه راه كاين تما واحد يبيع حوايج الگاطو ولد سمييين و enfance ليه فين كيصرفو إيوا راني ديتو عليه
كيجيتك نعرف نعت ولا لا ههههههه؟؟؟؟؟

من طرف **كنوز المغرب** 24/8/2014, 18:23

لا تبارك الله عليك تعرفي تنعتي انما انا دابا ماشي فوجدة ساكنة ولكن فالنواحي وكنمشيلها مرة مرة وبالزربة قوليلي دوك لي فزنقة مراكش مايبيعوهش هادوك جايين على برا يجيوني ساهلين