الخليع و ما أدراك ما الخليع

من طرف **باتول** الأربعاء أكتوبر 01, 2014 11:39 am

البنات أنا غانقالكم طريقة ديال الخليعديالي وكل وحدة تقولينا طروقتها
نحتاج لمقدار من هبرة اللحم تكون مقطعة طوليا وشوية تكون غليضة
ثوم مطحون يكون بزايد
الملح بزايد
كاس ونصف قزبور حبوب مطحون
كاس تاع الخل
نصف كاس كمون مطحون
ربع كاس ابزار
شوية الزيت بلدية
نشرملو اللحم مزيان ونخليه 24 ساعة فشرمولة حت يتشرب مزززيان ونشروه فوق الحبل باش يتشمش وينشف ملي ينشف نقطعتوا طروف متوسطة
كيلوالشحمة تاع الغنمي قطعتها صغيرة وديريها فكوكوت وحدها حت دوب
ملي دابت زدت تقريا لتر ونصف من الماء الساخن وخليتهم يطيبوا مزيان

غي تبدا المريقة تتغلي وتبدي تنلوح فالخليع ومرة مرة تنحرك فيه خليتوا تقريبا ساعتين وهو تيطيب ولكن غي على نار مهيلة ملي قرب يطيب وتحسي بيه نشف من الماء زدي تقريبا لتر ونصف زيت مخلطة رومية وبلدية مكاملاش 5 دقايق وطفي عليه ولكن حت تحسي بيه مبقاش فيه قطرة تاع الماء يعني وقف فليدام ديالو بالنسبة للمبتدئات ياخدوا طريف تاع الثوب ابيض ويغطسوا شوية منو فاليدام لي طاب ويشعلوا عليه الوقيد الا شدات فيه العافية صافي راه مبقاش فيه حس الماء مشداتش فيه يخليوه مزززال يتشرب مزيان
زولي الخليع بوحدو
صفي الدغميرة تاع اكريس لي كان فيه واحتافضي غي باليدام

ردي اكريش يتحمر مزيان
عمرت السطل بالخليع وخوي عليه ليدام ديالو